HATAW! D'yaryo ng Bayan hatawtabloid.com
SUGATAN ang isang bombero at isang 75-anyos senior citizen, habang mahigit sa 300 pamilya ang magdaraos ng Pasko sa covered court matapos sumiklab ang sunog na umabot ng limang oras hanggang kahapon ng madaling araw sa Capulong Highway, Tondo, Maynila.
Sa ulat ng Manila Bureau of Fire Protection (BFP), nagsimula ang sunog dakong 9:49 pm sa ikalawang palapag ng bahay nina Roger at Ine Gloria sa 1914-21 Capulong Highway (C2) sa kanto ng Lacson St., Tondo.
Umabot sa ika-limang alarma ang sunog at idineklarang fire under control dakong 12:25 am. Isinugod sa Tondo General Medical Center ai FO1 Philip Chua, 25 anyos, dahil sa hiwa sa kanang palad; at Julieta Rodemo, may superficial burn sa kanang hita.
Tinaya ng BFP na nasa 1.5 milyon ang halaga ng mga napinsalang ari-arian.
Nabatid na patuloy na iniimbestigahan ni Fire Arson Investigation SFO2 Roderick Andres, ang sanhi ng sunog. (BONG SON)
