Tuesday , February 27 2024
Lito Lapid Lorna Tolentino

Lito Lapid matikas pa rin, ‘di nagpapa-double sa mga buwis-buhay na action scenes

SHOWBIZ KONEK
ni Maricris Valdez Nicasio

NAGPAKITA ng isang video clip si Sen Lito Lapid sa entertainment press bago simulan ang tsikahan sa taunang Thanksgiving and Christmas lunch na isinagawa sa Max’s Roces. Sa video clip ay ipinakita ang ilang buwis-buhay na mga eksena ng senador sa Batang Quiapo.

Ipinakita rin ang halikan nila ni Lorna Tolentino kaya naman ito agad ang inurirat ng press.

Natawa si Sen. Lito at sumagot ng, “‘Yung kissing scene ng senior citizens? Ha-hahahaha! Okay lang. Kasi ipinaalam naman sa akin ni Coco (Martin) na magkakaroon kami ng kissing scene ni Lorna.

“Alam n’yo naman ang karakter ni Lorna, simpleng-simple at saka walang mga tsismis, kahit ano. Malinis ang pangalan niya.

“At saka single naman siya, ‘di ba? Walang problema. Eh, sabi ni Coco, ‘May kiliti iyan. At least ‘yung mga sing-edad n’yo, may love story pa raw,’ sabi niya.

“Eh, buti naman at kinagat naman. Kaya ang tawag sa amin ngayon, PriManda. Kasi Primo at Amanda,” natatawa pang pagbabahagi ng action star.

Ukol naman sa kung pinaghandaan ba ng senador ang kissing scene nila ni LT, sinabi nitong, “Hindi, pareho namang ayaw namin kasi baka ma-bash kami, dahil parehong senior citizen naghahalikan pa! Eh, hindi naman, parang nagustuhan naman ng mga tao, tinanggap naman.

“Sabi ko nga kay Coco, ‘wag na, baka sabihin ng tao senior citizen na kami naghahalikan pa. Kasi sa mga pelikula ko noong araw, hindi ako nakikipag-kissing scene puro action lang ako,” paliwanag pa ng senador.

Nangingiti pang tinuran ni Sen Lito na sila ang young version nina Coco Martin at Ivana Alawi sa Batang Quiapo.

Oo parang ganoon. ‘Yun naman ang sinasabi ni Coco. Sabi ko ‘baka wala na kami rito, baka ma-bash-bash kami.’ sabi niya, ‘hindi.’ Kamukha nga kay Angel Aquino, roon sa ‘Probinsyano,’ may kiliti rin ‘yon.”

At dahil nagkatuluyan sina Christopher de Leon at Lovi Poe sa Batang Quiapo,  naitanong sa senador kung gusto rin ba niyang magkaroon ng batang leading lady?

Depende siguro sa istorya ‘yan. Kasi, kamukha namin ni Lorna, nagsimula ‘yung pag-iibigan namin ni Amanda, bata pa kami.

“‘Yung kay Lovi naman, ang istorya nila, si Tanggol at saka si Christopher, mag-ama, para pag-agawan ang isang babae. Roon ang interes ng istorya. Depende sa istorya siguro. Gusto ko rin ‘yan… bata, eh!”nangingiting sabi pa ni Sen Lito.

Samantala, wala pa ring kupas sa pag-aaksiyon si Sen. Lito. Sa ipinakitang video clips din ay kitang-kita na siya mismo ang gumagawa ng mga action scene at hindi nagpapa-double.

Ipina-freeze pa nga niya ang ilang eksena para ipakitang siya talaga ang gumagawa ng mga buwis-buhay na aksiyon at hindi siya nagpapa-double.

Alam kasi ng tao, stuntman ako, kahit noong nag-uumpisa ako sa ‘Jess Lapid Story,’ hindi tayo nagpapa-double,” anang senador pero nilinaw na doble ingat na siya sa mga buwis-buhay na eksena dahil hindi na siya bumabata.

Medyo umiilag na rin ako, siyempre, may edad na rin, eh. Ang sinasabi nila, baka ma-Eddie Garcia ako, huwag naman sana. At ‘yun nga, nag-iingat na rin ako, baka ang iniisip ko, kaya ko, ‘yun pala, ang katawan ko, hindi na. ’Yun ang ikinakakaba ko.

Sa tagal-tagal ko sa pelikula, ang dami ko nang kababalaghang ginawa, mga stunt, mga ganito, hinahampas sa mesa, pero wala pa akong bali hanggang ngayon. Sana, huwag naman,” sabi pa.

Idinagdag pa ni Sen Lito na kaya pa niya ang mga mabibigat na action scene at minsan ay inaawat na lang siya ng production.

Minsan gusto kong tumalon, minsan, tinanggal ang camera niyong direktor, sabi niya, ‘wag, hindi naman kailangan,’” pagbabahagi pa ng senador.

About Maricris Valdez Nicasio

Check Also

Zara Lopez Reece Sapphire

Zara Lopez focus sa pagiging ina kina Reece at Sapphire,  tuloy pa rin as vlogger/influencer

ALAM MO NA!ni Nonie Nicasio MARAMI ang nagulat nang naghiwalay nang landas sina Zara Lopez …

Caleb Santos Jose Mari Chan Hazel Faith

Caleb Santos excited makasama si Jose Mari Chan

MATABILni John Fontanilla EXCITED ang singer, actor na si Caleb Santos na makasama sa konsiyerto ang mahusay …

Nadine Lustre

Nadine patok ang pa-two piece habang nakahiga sa kama

MATABILni John Fontanilla TRENDING sa social media ang larawang ipinost ni Nadine Lustre sa kanyang Instagram account. Isang black …

Lolit Solis Kathniel

Lolit pinayuhan KathNiel fans mag-move on kasabay ng kanilang mga idolo

MA at PAni Rommel Placente AWARE si Lolit Solis na hanggang ngayon ay hindi pa nakaka-move on …

Janice de Belen Snooky Serna Sharon Cuneta Gabby Concepcion

Janice kay Gabby—Wala akong galit, we’re friends; Sharon nag-sorry

MA at PAni Rommel Placente SA guesting ni Janice de Bellen sa YouTube channel ni Snooky Serna ay binalikan …