I-FLEX
ni Jun Nardo
WALA yata akong nababasa na dumedepensa kay Andrea Brillantes sa kumakalat na tsismis tungkol sa kanila ni Daniel Padilla.
Inaakusahan ng netizens na fake news peddler sina Cristy Fermin at Ogie Diaz kaugnay ng pagsiwalat nila sa umano’y ugnayan ng dalawa.
Malaki ang fan base ng KathNiel kaya dinudumog ang dalawang writer-vlogger sa mga inilabas nila tungkol sa issue.
May nabasa kaming quotation mula kay Cristy na inilabas sa social media at print. Umano, may “nag-aalab “ na pangyayari kina Andrea at Daniel. Kung anuman ‘yon, tanging si Cristy na ang makapagsasabi niyan.
Basta si Kathryn, todo post ng sexy pictures niyang nakasuot ng two-piece bikini. Tugon niya ito o senyales ng pagrerebelde?
Matagal na inalagaan nina Daniel at Kathryn ang loveteam nila na minahal ng publiko. Mapanatili sana nila ang maayos nilang pagsasama sa gitna ng espekulasyong nagkakalabuan na sila!
