HATAW! D'yaryo ng Bayan hatawtabloid.com
BALIK-KULUNGAN na ang siyam na inmates na tumakas sa detention facility ng Manila Police District(MPD) Station 1 makaraang madakip sa loob ng limang araw na manhunt operation sa ibat-ibang lugar sa NCR at karatig na probinsya.
Ayon sa ulat na nakrating kay NCRPO Regional Director PBGen Jose Melencio Nartatez Jr mula kay MPD Acting District Director PCol Arnold Thomas Ibay, Arestao ang pang- siyam na pugante na si Emerson Tumbaga alyas Bunso miyembro ng Sptunik Gang ay naaresto sa isang SBUC Compound Soldier Hills Narra Street Molino Road Bacoor Cavite.
Nadakip ang si alyas Bunso sa Joint Manhunt Operation ng mga operatiba ni MPD Chief PCol Ibay na pinangunahan ni DSOU chief PMaj Edward Samonte at personal na pinangasiwaan ni District Intelligence Division Deputy PltCol John Guiagui, DPIOU at MPD Station 1.
Sa tulong ng ina ni alyas Bunso ay nagkaroon ng lead ang mga operatiba patungkol sa kinaroroonan ng suspek.
Nakipagtulungan rin sa ina ang live-in partner ni Tumabag na kasama sa pinagtaguang lugar nito sa Cavite.
Sa isingawang operasyon. Nagsilbing mata at tenga para sa pulisya ang live-in partner nito na si alyas Tina na siyang kausap ng ina ni Tumbaga bago ikasa ang operasyon.
Eksklusibong kasama ang HATAW sa naging operasyon nang maghanap ng MEDIA ang magulang ni Tumbaga upang matiyak ang seguridad sa paghuli sa pang siyam na puganteng si Tumbaga.
Naging maayos ang operasyon at naibalik sa MPD ang subject.
Matatandaan na noong Nobyembre 8 pasado ala-1 ng madalaing araw ay tumakas ang siyam na preso sa piitan ng MPD Station 1 gamit ang damit na pinangdistrongka ng lumang bakal sa nasabing kulungan.
Dahil dito, Hindi naman tumigil ang MPD sa pagtugis sa mga pugante alinsunod sa mahigpit na kautusan ni MPD chief PCol Ibay partikular na ang dating Station Commander ng Prisinto Uno na si PltCol Roberto Mupas.
Sa kasalukuyan, Balik Rehas na ang siyam na pugante na sina GIAN CARLO RAYALA y JUMILLA, nakulong sa kasong RA 9165; ARNOLD OLINO y BRUNO, RA 10591 in relation to BP 881; MJ TUAZON y BIGONIA, RA 9165; ALBERT CALAYAS y CRISOSTOMO, RA 9165; 5. ADRIANO ZILMAR y BACALLAN, RA 9165; JERICHO ANTIPUÊSTO y ANDAL, RA 10591; JOHN JOSEPH LAGUNA y MARTINEZ, RA 9165: MASTER CEDRIC ZODIACAL y MARTINEZ, Robbery; at ang pinakahuli sa nadakip na si JEFFERSON BUNSO TUMBAGA y SAPA, Nakulong sa kasong 10591 in relation to BP 881.
Base sa pahayag ng mga naunang naaresto ay si alyas Bunso anila ang mastermind sa pagtakas, bagay na itinanggi nito nang masakote na rin ng pulisya.
Samantala, Nagsagawa ng agarang reshuffle si MPD Chief PCol Ibay kung saan ang dating Station Commander ng Raxabago Police Station 1 na si PltCol Mupas na naging hands-on rin sa Oplan Pagtugis ay pinalitan ni PltCol Melvin Florida Jr. na mamumuno ngayon sa mga Pulis-Tundo.
Nagsagawa rin ng balasahan ang bagong liderato ng Prisinto Uno lalo na sa personnel ng Jail at mga sarhento-de-mesa. (BRIAN BILASANO)
