ni Rommel Gonzales
HAPPY si Shyr Valdez na nag-resume na sila ng Love. Die. Repeat.
“Siyempre masaya! Tuloy ang naputol na bonding ng cast sa set. Masaya kasi ang set namin eH,” bungad na sinabi sa amin ni Shyr.
Nahinto ang taping ng GMA drama series noong September 2021 dahil sa pagdadalang-tao ng lead actress nitong si Jennylyn Mercado.
May punto ba na inaakala ni Shyr na hindi na itutuloy ang show, lalo pa nga at dalawang bagay ang kinaharap nilang lahat noon, ang COVID19 pandemic at ang pregnancy ni Jennylyn?
“It was never an issue na hindi na kami matutuloy.
“We’ve always known na matutuloy siya matapos lang si Jen manganak. The production kept all actors in the loop for updates about LDR.
“It was really just a matter of time. At eto na ‘yung time, we are now rolling again.”
Masaya si Shyr na bilang artista ay nakatrabaho na niya halos lahat ng reyna ng GMA tulad nina Marian Rivera, Sanya Lopez, at ngayon ay si Jennylyn.
Paano niya ipagkukompara o ipagkakaiba ang tatlong aktres?
“I am of course happy to have worked with the three incredible superstars of GMA. Each one has her distinct originality as an actor.
“They are where they are because they are darn good at what they do. I cannot compare. As I have said earlier, they have their distinct originality as actors that works really well with them.
“But you know the one thing I can say about all three… Jen, Sanya, and Marian… nakatuntong sa lupa ang mga paa kahit sobra nang kinang ng mga bituin nila.
“The mark of a real star is in their humility and they have all that. Humble pa rin kahit matatayog at matataas na ang narating.”
Bukod sa pag-aartista ay nasa corporate world na rin si Shyr, sa Medicare. Puwede niya bang ikuwento ang buhay niya bilang businesswoman/corporate executive?
“Being in the corporate world gives a different dynamic. “You have to be inclusive, a team player. I love it.
“The discipline is different when you are in the corporate world.
“I am the PR Consultant of Medicare Plus. We are a health care provider, an easy access health plan options for the Filipino community.
“Medicare Plus Inc. aims to aide every Filipino for health crisis. One should not be left troublesome when a medical emergency arises.
“There is a way to prepare for that and that’s what Medicare Plus Inc. is all about,” pahayag pa ni Shyr.