Bea tinuligsa paghawak sa cake; ‘di nakaka-reyna, nagmukhang alalay
PUSH NA’YAN
ni Ambet Nabus
ISE-SEGUE namin sa pamba-bash ng ilan kay labs Bea Alonzo.
Sa same portion kasi ay nag-volunteer si Bea na hawakan ang cake para kay Kyline.
Sa naging sagot ni Bea sa beshy namin sa Marites University na si DJ Jaiho, sinabi ng aming labs Bea, nag-volunteer itong hawakan ang cake dahil nakikita niyang nahihirapan si Kyline na hawak ang mic at flowers mula kay Mavy Legaspi.
‘Yun lang ‘yun at hindi dahil ipinahawak sa kanya gaya ng gustong palabasin ng mga basher na hindi raw nakaka-reyna at nagmumukha itong alalay.
Sa totoo lang, mas higit nga naming inirespeto at hinangaan si Bea dahil naturalesa niya ang mga ganoong aksiyon.
Iyan ang tunay na reyna at hindi nag-iinarte lang kaya sabik na nga kaming panoorin ang upcoming series niya sa GMA 7 with papa Dennis Trillo na Love Before Sunrise.
