PUSH NA’YAN
ni Ambet Nabus
“HINDI ko siya iiwanan,” ang nakahahangang winika ni Meme Vice Ganda tungkol sa pag-manage niya kay Awra Briguela.
Higit kailanman nga naman, ay ngayon higit na kailangan ni Awra ang kanyang meme Vice.
At dahil may legal proceedings na ngang magaganap dahil sa mga kasong isinampa laban kay Awra, mas lalong tinututukan ngayon ang pag-monitor sa mga social media activities ni Awra, pati na ang pakikipag-kaibigan nito.
Ayon pa kay meme Vice, personal at harapan niyang kinausap si Awra sa presensya ng ama nito dahil nais nga niyang iparamdam na magkakatulong at magkakasama sila dapat na haharap sa laban ng naging pasaway na bagets.
Sey nga ng mga nagmamasid, “a lesson should be a lesson learned.”
