MATABIL
ni John Fontanilla
BUKOD sa pagiging mahusay na dancer ni Gela Atayde na kababalik lang sa bansa kasama ang kanyang grupo na itinanghal na grand champion sa World Champions for Hip Hop International 2023 na ginanap sa Phoenix Arizona, USA ay pinasok na rin nito ang pag-aartista.
Introducing ito sa Kapamilya series na Senior High na hatid ng ABS-CBN at ng Dreamscape. Makakasama nito sina Andrea Brillantes, Elijah Canlas, Zaijian Jaranilla, Xyriel Manabat, at
ang kanyang awardwinning mother na si Ms Sylvia Sanchez na nagbigay payo kay Gela na maging maingat sa kanyang mga sasabihin lalo na’t prangka ito.
Isa pa sa payo ni Ms Sylvia kay Gela ang maging mabait at marespeto sa lahat para kagiliwan ito ng lahat at para na rin tumagal ito sa showbiz industry.
Isa sa pangarap na makatrabaho ni Gela ang kanyang Kuya Arjo na isa sa pinakamahusay na aktor sa kanyang henerasyon.
