Monday , October 2 2023
My Plantito Kych Minemoto Michael Ver

Bagong Tiktok serye ng Puregold Channel, My Plantito, ipinalabas na ang trailer

PATULOY na nagbabago ang digital na mundo pagdating sa mga pelikula, palabas, at paraan ng video streaming, at patuloy ding sinisikap ng Puregold na manguna sa paglikha ng mga seryeng bago at kakaiba, ngunit papatok at kagigiliwan ng mga manonood dahil lapat sa kanilang mga buhay–ganito ang handog ng retailtainment ng Puregold.

Nitong mga nagdaang taon, ipinakita ng Puregold ang kakayahang itampok ang kapangyarihan ng mahusay na pagkukuwento, sa pamamagitan ng nauna nitong mga seryeng GVBoys: Pangmalakasang Good VibesSumunod dito ang Ang Babae sa Likod ng Face Maskat ang katatapos lang na Ang Lalaki sa Likod ng Profile, na talaga namang pumukaw sa atensiyon ng mga Filipino dahil damang-dama nila ang danas ng mga tauhan sa bawat palabas. Sa husay ng Puregold, nanalo ang Tiktok serye nitong 52 Weeks ng Best Social Media Campaign for Tiktok sa Hashtag Asia.

Ngayon, handa na muli ang Puregold Channel na sorpresahin ang mga manonood, sa tulong ng una nitong Boy-Love (BL) serye na My PlantitoSa pinakabagong serye ng Puregold, hangad nito na bigyang-pokus ang mga Kuwentong Panalo ng lahat ng Filipino, ano man ang estado nila sa buhay.

Ipinalabas ang opisyal na trailer ng My Plantito noong Agosto 8, eksaktong 8:08 p.m., habang nakatakda namang ipalabas ang unang episode ng serye sa Agosto 23, sa Tiktok at YouTube Channel ng Puregold.

Itinatampok ang pares nina Kych Minemoto at Michael Ver, dadalhin ng My Plantito ang mga manonood sa isang paglalakbay na puno ng pagmamahal at pagkilala sa sarili. Ipinapangako ng serye na ipakikita nito ang halaga ng pagkakaiba, pagtanggap, at pagiging inklusibo, bilang pagpapatibay sa pangarap ng Puregold na magbigay plataporma sa mga Kuwentong Panalo.

Ibinahagi ni Ms. Ivy Hayagan Piedad, Marketing Senior Manager ng Puregold, ang pagkasabik sa bagong serye: “Layunin ng Puregold na maging aksesibol ang mga kuwentong mahalaga at makapangyarihan. Noon pa man, ang pag-ugnay sa aming mga suki ang nagtutulak sa amin patungong pagtatagumpay. Isang paraan ang mga digital serye na katulad ng ‘My Plantito.’”

Pinangungunahan ang My Plantito ng mahusay na tambalan ng premyadong si Chris Cahilig bilang producer at ang talentadong si Lemuel Lorca bilang direktor. Tampok din sa serye sina Ghaello Salva, Elora Espano, Derrick Lauchengco, and Devi Descartin.

Binigyang-diin din ni Piedad ang halaga ng paglalaan ng espasyo sa mga kuwentong gaya ng My Plantito, na ipinakikita ang importansiya ng pagkilala sa sarili, pagmamahal sa pamilya, at pakikisama sa mga kaibigan. 

Hangad namin na magsimula ang palabas ng mga pag-uusap tungkol sa pagiging ligtas ng mga espasyo para sa lahat, at sinisiguro namin na tumutulong ang Puregold Channel na marinig ang lahat ng uri ng mga tao.”


Panoorin ang opisyal na trailer sa link na ito: https://vt.tiktok.com/ZSL4CxufB/

About hataw tabloid

Check Also

Joey de Leon

E.A.T, Joey mabilis na humingi ng paumanhin; Showtime deadma

HATAWANni Ed de Leon MATAPOS punahin ng mga tao ang isang joke ni Joey de Leon at …

Kids Toy Kingdom show

Kathryn, Bitoy, at Barbie, wish maging guest sa Kids Toy Kingdom Show ng mga host nito 

ALAM MO NA!ni Nonie Nicasio AARANGKADA na ngayong Sabado (Sept. 30) ang Kids Toy Kingdom Show (Season 2) at ipinahayag ng …

Angelika Santiago

Angelika Santiago, waging Young CEO of The Year at Female Best Dressed sa 3rd Diamond Excellence Awards

ALAM MO NA!ni Nonie Nicasio SOBRA ang kagalakan ng Kapuso actress na si Angelika Santiago …

Gabby Concepcion David Licauco

Gabby at David bibida sa isang charity show

MATABILni John Fontanilla ISANG napakalaking show ang magaganap sa kaarawan ng kaibigang Genesis Gallios sa Newport Performing …

Nadine Lustre

Nadine trending ang pagtu-two piece sa IG

MATABILni John Fontanilla TRENDING sa social media si Nadine Lustre nang mag-post ito sa kanyang Instagram, @nadine ng mga …