Erika Mae excited makasama si Gerald sa isang concert
MATABIL
ni John Fontanilla
MASAYANG-MASAYA ang singer na si Erika Mae Salas dahil isa siya sa makakasama ni Gerald Santos sa Erase Beauty Care Concert Series naang first leg ay gaganapin sa August 5, 2023 sa Navotas City Sports Complex at ang 2nd leg ay sa September 2, 2023 naman sa Dream Zone, Batangas City.
Makakasama nina Erika Mae at Gerald sina Joaquin Domagoso, Bernie Batin, Christi, Shira Tweg, Karl Zarate, Janah Zaplan, at John Gabriel.
Bagamat abala sa kanyang pag-aaral ng Concervatory of Music sa UST, napagsasabay pa rin nito ang kanyang showbiz activities at napagpapatuloy ang kanyang pagkanta.
Proud si Erika Mae na na makasama sa nasabing concert series dahil kay Gerald. Pangarap din kasi niyang makagawa ng musical play sa ibang bansa katulad ng aktor/ singer.
At bukod sa concert series ay nakatakda rin itong maglabas ng bagong single entitled Biyahe ng Puso na iri-release bago matapos ang taon.
