Tuesday , July 23 2024
Cristine Reyes Marco Gumabao Ara Mina Mommy Klenk

Ara  boto kay Marco; Mommy Klenk, ayaw muna pakasal si Cristine

SHOWBIZ KONEK
ni Maricris Valdez Nicasio

TUWANG-TUWANG si Ara Mina na finally ay nagkita na sila ni Marco Gumabao at ito’y nangyari sa special screening and mediacon ng Minsan Pa Nating Hagkan ang Nakaraan na pinagbibidahan ng kanyang kapatid na si Cristine, Marco, at Cesar Montano.

Bago ang pagrampa nila sa red carpet at bago magsimula ang screening, nakausap muna namin si Ara at doo’y nagkita-kita sila nina Cristine at Marco. 

Ani Ara habang kausap sina Cristine at Marco, “sinabi niya sa akin na idine-date ka na niya,” na napaisip si Cristine at sinabing, “sinabi ko bang idine-date?” at binawi ni Ara at sinabing, “hindi-hindi exactly idine-date, lumalabas kami, pero parang, ewan ko.”

Sinabi pa ni Ara na magkakilala na sila noon pa man ni Marco at ito’y noong 14th birthday pa niya na hindi pa magkakilala sina Cristine at ang aktor. 

At nang malaman ni Ara na nagliligawan na ang dalawa, ang reaksiyon nito, “may idea na ako na lumalabas sila kasi nagsabi na siya (Cristine) ng, ‘friends kami pero lagi kaming lumalabas.”

Nasabi pa ni Ara na nabasa na lang niya na may relasyon na ang kapatid niya kay Marco.  “I’m sure naman na hindi rin alam ni Cristine na nag-post si Marco (sa social media nito).” At kinompirma nga ito ni Cristine at sinabing nagulat siya sa ginawang pagpo-post ni Marco ukol sa kanilang relasyon. 

Hinangaan ni Ara ang ginawang pagpo-post ni Marco. “Siyempre maganda na nauuna ang lalaki na magsabi ‘di ba? At parang first time na nauna ang lalaking umamin. Talagang na-surprise siya.”

At dito’y sinabi ni Cristine na sobrang happy siya sa ginawang iyon ni Marco. “Very happy.” Na sinundan ni Marco ng pagsasabing, “super happy ako.”

Sinabi pa ni Ara na kinikilig siya sa dalawa. “Mabait itong si Marco.” At humarap kay Marco at sinabing, “Basta be happy, pagpasensyahan mo na itong kapatid ko kapag may mga sumpong ha.

“At alam mo itong kapatid ko kahit hindi naka-smile makikita mo ang dimple nito, ibig sabihin super happy siya, nakita ko talaga iyon sa kanya,” sabi pa ni Ara.

Pahabol pa ni Ara, “at dahil lagi siyang naka-smile eh, di maganda, masaya.” At nagpasalamat siya kay Marco.

At least nakita ninyo pati mata niya nakangiti ‘di ba?” tsika pa ni Ara. 

Sinabi pa ng aktres na hindi pa naipakikilala ni Cristine si Marco sa iba nilang mga kapatid. “Sa Mommy ko pa lang at sa akin niya naipapakilala,” at biglang tawag sa kanilang ina at tinanong kung happy siya para kay Cristine.

Sagot ng kanilang ina, “Happy. Basta kung saan siya masaya. Basta mahalin niya ang anak ko okey na sa akin.

“Kaya lang siyempre kapag bago sweet pa, hindi natin masabi. 

“Pero sa nakikita ko ngayon, okey sila pero saka natin malalaman. Para siyang alive, mababakas mo sa mukha niya na happy siya at lahat naman ng magulang gustong makita na masaya ang anak,” sabi pa ni Mommy Klenk.

Nang tanungin kung payag si Mommy Klenk na pakasal si Cristine kay Marco, “Hindi, hindi na, live in na lang muna. Kapag matagal na, kapag na-realize na sila talaga, at saka sila magpakasal. Sa ngayon ‘wag muna, mahirap ang pabigla-bigla.”

Maging si Ara ay hindi pa kompormeng magpakasal ang kapatid. “Take your time, mararamdaman nila ‘yan.”

About Maricris Valdez Nicasio

Check Also

Cecille Bravo PWDW Filmfest Peoples Legacy Awards

PWDW Filmfest People’s Legacy Awards 2024 matagumpay

MATABILni John Fontanilla MATAGUMPAY ang inaugural PWDW Film Fest People’s Legacy Awards 2024 na ginanap sa  QCX …

Gary Valenciano Inspired

Gary Valenciano pinakaba ang netizens sa black & white poster

MATABILni John Fontanilla HINDI naiwasang matawa ni Gary Valenciano sa naging reaksiyon ng netizens sa black and …

GMA Gala PBB Gen 11

PBB at GMA Gala nagtapatan, sino ang nag-trending?

I-FLEXni Jun Nardo KATAPAT sa  streaming ng GMA Gala ay ang pagbubukas muli ng Bahay ni Kuya …

Barbie Forteza Herlene Budol Kyline Alcantara Kobe Paras

Barbie patakbong tinulungan si Herlene; Kyline nakaw-eksena sa kasamang escort 

I-FLEXni Jun Nardo HINANGAAN si Barbie Forteza na nakuhanang tumulong kay Herlene Budol nang mahulog ito sa isang bahagi …

blind item

Bagong gay series bokya, ‘hindi kinagat 

HATAWANni Ed de Leon AY sorry, mukhang hindi kinagat ng mga bading iyong isang bagong …