HATAW! D'yaryo ng Bayan hatawtabloid.com
RATED R
ni Rommel Gonzales
NA-INTIMIDATE si Nikki Co kay Sen. Ramon ‘Bong’ Revilla, Jr.
Kasama kasi si Nikki sa Walang Matigas Na Pulis Sa Matinik Na Misis na bida si Sen. Bong at sa pakikipag-usap namin sa kanya inamin nito ang naramdamman nang makita ang senador.
“Very intimidating nga siya at first, oo noong una,” at natawa si Nikki.
“Siyempre si Sen. Bong iyan tapos well-known actor.”
Napanood daw ni Nikki ang dalawang pelikulang pinagbasehan ng kanilang bagong GMA action/comedy series. Ipinalabas sa mga sinehan ang Walang Matigas Na Pulis Sa Matinik Na Misis noong 1994 na sinundan ng sequel nitong Yes Darling: Walang Matigas Na Pulis 2 taong 1997.
“Mahilig po kasi ako sa mga lumang pelikula,” ayon pa kay Nikki.
Bago pa man siya mapili bilang isa sa mga cast ng serye ay nakakapanood na siya ng mga pelikula ni Bong sa mga online streaming app.
Gumaganap si Nikki bilang si Dustin na isang estudyanteng nag-aaral maging pulis.
Bukod kina Bong at Nikki, nasa cast din ng serye sina Beauty Gonzales, Niño Muhlach, Carmi Martin, Max Collins, Kate Valdez, Kelvin Miranda, Jeric Raval, Maey Bautista, Angel Leighton, at si Raphael Landicho na napapanood din sa Voltes V: Legacy. Ito ay sa direksiyon nina Enzo Williams at Frasco Mortiz.
