Sunday , July 21 2024
Tony Aguirre Michael Ocido Dari Castro

Fil-Am Michael Ocido bida sa US chess tourney

ni Marlon Bernardino

MANILA — Nangibabaw si Filipino-American Michael Ocido kontra 165 manlalaro sa 7-Round Swiss format para makisalo sa unahang puwesto para sa 2023 Las Vegas International Chess Festival Under -2300 category na ginanap kamakailan sa Rio All-Suite Hotel and Casino sa Las Vegas, Nevada, USA.

Si Ocido, mula sa Queens, New York, ay nag-uwi ng premyong $4,500 cash matapos makaiskor ng 6.5 puntos sa pitong round.

Nakakuha rin si Isaac Martinez ng katulad na 6.5 puntos para makatanggap ng $4,500.

Si Anton Barash ay pumangatlo na may 6.0 puntos para sa S1,500 kapalit ng kanyang mga pagsisikap.

Ang torneo ay inorganisa ng Las Vegas Chess Festival sa ilalim ng direksiyon ni FIDE Trainer at International Arbiter Allan Lossof.

Sinabi ng 32-anyos na si Ocido, ang mga kalaban na kanyang kinaharap ay lubos na mapagkompetensiya, lalo sa pagpasok ng maraming mga bata at hindi kilalang manlalaro.

“Ngunit sa kaunting suwerte, nanaig pa rin ang karanasan ko sa mga laro [naglaro] ko,” sabi ni Ocido, isang Bachelor of Science in Hospitality Management Graduate Student sa West Negros sa Bacolod City, Negros Occidental.

Si Ocido, nagmula sa Victorias City, Negros Occidental ay umiskor ng mga tagumpay laban kina Nicholas Chrysanthou (Round 1), Kevin Fong (Round 2), Armen Andranigian (Round 3), Cole A Rice (Round 4), Ali Mirafzali (Round 5), at Woman FIDE Master Sophie Morris-Suzuki (Round 6). Nag draw si Ocido kay Barash sa huling round.

Sinabi ni National Master Tony Aguirre, malamang na sasali si Ocido sa National Congress sa Philadelphia, Pennsylvania sa Nobyembre at sa North American Open sa Las Vegas, Nevada sa Disyembre.

Si Ocido ay kilala sa Filipino chess circles sa tri-state area para sa kanyang agresibong estilo ng paglalaro sa chess, na pinupunan niya ng mahusay na sacrificial instincts.

Ang iba pang mga tagumpay sa chess ni Ocido na ang International chess campaign na suportado nina NM Aguirre, FIDE Instructor Dari Castro at US based GM Richard Bitoon ng StarWizard Chess ay ang 2015 Johor Challengers Champion sa Malaysia, 2015 Negros Closed Champion, Champion ng Several Open tournaments sa Negros, 2018 HD Bank Challengers Champion sa Vietnam, 2019 Under 2200 category Marshall Chess Club Champion sa New York at 2019 Under 2200 category Washington International Champion. (MARLON BERNARDINO)

About Marlon Bernardino

Check Also

National University NU Lady Bulldogs SSL National Invitationals

NU Kampeon sa SSL National Invitationals

IGINAWAD nina Philippine Sports Commission (PSC) Commissioner Fritz Gaston at Vicente Gregorio President/CEO ng Shakey’s …

PBA draft 2024 Justine Baltazar

Justin Baltazar, no.1 pick sa PBA Season 49 Draft

PINILI ng Converge Fiberxers team si Justine Baltazar, 27 anyos, 6-foot-9 UAAP Champion noong 2016, …

Shakey’s Super League National Invitational inilunsad

Shakey’s Super League National Invitational inilunsad

INIHAYAG ni Vicente L. Gregorio, Shakey’s Pizza Asia Ventures Inc. (SPAVI) President/CEO (may mikropono) ang …

Tristan Jared Cervero Chess

Cervero naghari sa Marikina chess tournament

Marikina City — Naghari si Tristan Jared Cervero, isa sa mga nangungunang manlalaro ng Ateneo …

Jan Emmanuel Garcia Xiangqi

ADMU chess team program Head Jan Emmanuel Garcia nanatili sa tuktok ng liderato

Standing After Round 3: (Group B)3.0 points — Jan Emmanuel Garcia, Wang Sing, Cai Jiu …