I-FLEX
ni Jun Nardo
MAAGANG natutulog at maagang nagigising. Ganyan ngayon ang pang-araw-araw na routine ni Paolo Contis mula nang maging isa sa hosts ng bagong Eat Bulaga.
“Eh kapag nagigising ako sa hatinggabi hindi na ako makatulog. Maaga na rin akong pumupunta sa studio para mag-rehearse,” pahayag ni Paolo sa mediacon ng movie na Ang Pangarap Kong Oskars matapos ang screening nito.
Kahit nasa adjustment stage pa, “I am enjoying what I do. Masaya kaming lahat.
“Eh hindi naman ako apektado sa bashers at negative comments. Hindi naman perpekto ang buhay ko at alam ito ng lahat.
“Nagpapasaya lang kami ng tao at tumutulong. ‘Yun ang mahalaga sa amin,” saad pa ni Paolo.
Eh kahit may daily show, puwede pa ring gumawa ng movie si Paolo. Heto nga at ilalabas na ang comedy film nila ni Joross Gamboa na Ang Pangarap Kong Oskars sa June 28.
Naku, isang kakaibang komedya ang handog ng dalawa mula sa direksiyon ni Jules Katanyag. After nito, isang movie under MVX ang gagawin ni Paolo na sa abroad kukunan.
See? Hindi apektado si Paolo sa negatibong comments sa kanya!
