Pag-arte at pagkanta tututukan ni Christi Fider 

MA at PA
ni Rommel Placente

TINANONG namin si Christi Fider kung ano ang latest sa kanya. Sabi niya ay may gagawin siyang pelikula na ang magdidirehe ay si Jay Altarejos at isang serye na si Cris Pablo naman ang direktor.

Ayaw pang sabihin ng singer-actress kung sino-sino ang makakasama niya sa pelikula. Bawal pa raw sabihin.

Sa kakukulit namin sa kanya na magbigay kahit isang pangalan, ayun, bumigay na rin siya.

Aniya, si Nora Aunor ang makakasama niya.

“Actually noong ini-release ko ‘yung isa kong song, parang nag-comment si Direk Jay. Sabi niya , ‘Uy , I have a role for you,’”sabi ni Christi.

Patuloy niya, “Tapos noong ibinigay niya sa akin ‘yung script, I fell in love with the script.

“Sabi ko, kaya ko ba itong gawin?  Kasi sobrang magugulat kayo. May kissing scene ako.

“Very challenging. Pero ‘yun ang gusto ko. ‘Yung tipong hindi ninyo ako makikita roon sa role. I’m very excited na sa movie.”

SIno  ang makaka-kissing scene niya?

“Secret,” ang natatawang sagot ni Christi.

Aminado naman si Christi na tiyak na kakabahan siya kapag makakaeksena sa movie si Nora.

“Siyempre, sino bang hindi? Siyempre, si ate Guy ‘yun, eh.

“Mommy ko, sobrang idol ‘yun. 

“Pero iniisip ko na lang, lugar na kabahan ako, kalangan kong galingan. Dapat one take lang ako. Kasi kung uulitin, nakakahiya. Kailangang i-give ko ‘yung 100% ko sa movie,” aniya pa.

Bukod pa sa pelikula, may gagawin ding serye si Christi.

“With the series, I think they have an ongoing negotiation with Netflix.”