Monday , October 2 2023
PVL Premier Volleyball League

13 koponan maglalaban para sa korona ng PVL Invitationals

ANG PINAKAMALAKING komperensiya ng Premier Volleyball League ay magsisimula sa 27 Hulyo sa Filoil EcoOil Center sa San Juan City.

Labintatlong koponan, kabilang ang tatlong bagong member squad at dalawang dayuhang bisita, ang maglalaban-laban para sa midseason crown na napanalunan ng Creamline noong nakaraang taon.

Ang mga bagong dagdag sa field, ang Foton Tornadoes, ang Farm Fresh Foxies, at ang Gerflor Defenders, ay dadagdag sa mga koponan na may kabuuang 11.

“Sa paglaki ng volleyball sa bansa sa nakalipas na dekada, nararamdaman namin na oras na para madagdagan ang bilang ng mga miyembrong koponan sa PVL,” sabi ng pangulo ng liga na si Richard “Ricky” Palou.

“Ito ay hindi lamang magdadala ng higit na pananabik para sa aming mga tagahanga bagkus ay magbibigay din sa mga manlalaro ng mas maraming pagkakataon na magkaroon ng karera sa volleyball. Ang mga bagong koponan ay nakatuon na manatili sa amin sa mahabang panahon,” dagdag niya.

Ang Foton Tornadoes ay babalik sa competitive volleyball pagkatapos ng tatlong taon.

“Masaya kami na pinayagan kami ng liga at ng mga miyembrong koponan na sumali simula sa Invitational Conference,” sabi ng manager ng koponan na si Aaron Velez.

“Sa dalawang koponan, ito ay magbibigay sa aming kompanya ng karagdagang exposure at sa aming mga manlalaro ng pagkakataon na higit pang mahasa ang kanilang mga kasanayan,” dagdag niya.

Samantala, itatampok ng Farm Fresh Foxies ang core ng College of Saint Benilde team at si Jerry Yee ang magiging head coach para sa kanilang inaugural season.

“Ang PVL ay isang malaking plataporma upang ipakilala ang aming produkto, na siyang unang tunay na sariwang gatas sa merkado,” sabi ni Foxies team manager Janica Lao.

“Although bagong team kami, hindi naman magiging problema sa amin ang chemistry since hindi naman talaga huminto sa training ang Lady Blazers even after the NCAA season,” dagdag ni Lao.

Sa wakas, ang Gerflor Defenders ay magtatampok ng halo ng mga beterano at mga batang manlalaro at igigiya ni Edgar Barroga.

“Kami ay nasasabik na sa wakas ay naging bahagi ng PVL. Nag-organisa at lumahok kami sa ilang mga liga upang maging kalipikado para sa pagkakataong makipagkompetensiya sa PVL, na pinaniniwalaan namin na ang pinakaprestihiyosong liga sa bansa. Ang pagiging bahagi ng PVL ay isa nang karangalan at accomplishment para sa ating volleyball club,” ani Defenders team manager Jordan Tolentino.

Ang lahat ng 11 lokal na koponan ay hahatiin sa dalawang grupo. Ang Group A ay bubuuin ng defending champion Creamline, Chery Tiggo, PLDT, Akari, at Gerflor.

Ang Group B ay bubuuin ng anim na koponan: Petro Gazz, F2 Logistics, Choco Mucho, Cignal, Farm Fresh, at Foton.

Ang nangungunang dalawang koponan sa bawat pool ay uusad sa round-robin semifinals, kasama ang dalawang dayuhang koponan. Dadalhin ng mga koponan mula sa parehong pool ang kanilang head-to-head record sa ikalawang round.

Ang nangungunang dalawang koponan ay uusad sa winner-take-all final, habang ang ikatlo at ikaapat na ranggo ay maglalaban-laban para sa bronze medal.

Ang mga koponan na hindi uusad sa susunod na round ay lilipat sa classification phase. Gayonpaman, ang ikaanim na puwesto na squad sa Pool B ay awtomatikong magiging ika-13 na ranggo. (HATAW Sports)

About hataw tabloid

Check Also

BUBOY Chess

Kuya Buboy Abalos chessfest tutulak sa 8 Oktubre 2023

MAYNILA — Tutulak ang Kuya Buboy Abalos Limbas Mandaragit Eagles Club Chess Tournament 2023 sa …

Philippine ROTC Games Luzon Leg

Philippine ROTC Games Luzon Leg simula na

TAGAYTAY CITY— Pinangunahan ni Senator Francis “Tol” Tolentino ang matagumpay na pagbubukas ng Philippine ROTC …

Emi Cup Pro-Am golf

Emi Cup Pro-Am golf papalo sa Sept. 21-22

KABUUANG 285 golfers, kabilang ang mahigit 100 professional golfers mula sa Professional Golfers Association of …

Daniel Fernando Singkaban Football Festival Bulacan

Ika-2 Singkaban Football Festival humataw sa Bulacan

SA ikalawang pagkakataon, muling nagsaya sa paglalaro ang mga Bulakenyong manlalaro ng football na may edad na …

Jose Efren Bagamasbad Martin Binky Gaticales Angelo Abundo Young Henry Roger Lopez

Int’l Master Angelo Abundo Young naghari sa Grandparents Day Celebration Open Rapid Chess Tournament

Final Standings and tournament payouts: (7 Round Swiss System, 15 minutes plus 5 seconds increment …