MATABIL
ni John Fontanilla
BLOOMING at napakaganda nang humarap sa entertainment press and vloggers si Ana Jalandoni sa mediacon ng The Revelation kamakailan.
Ayon kay Ana, okey na okey na siya ngayon mula sa kontrobersiyang kinasangkutan last year with his ex-boyfriend, Kit Thompson. Diyos ang kinapitan niya sa madilim na sandali ng kanyang buhay.
Ayon nga kay Ana, “Pray-pray lang three times a day…“
At ang isang rason kung bakit happy at blooming ito ay dahil mayroon siyang bagong hobby. “Ano bang blooming? Ano lang, ahhh, siguro dahil mayroon akong bagong hobbie, nagmo-motor ako ngayon.
“So kung wala akong trabaho, either mag-out of town ako, mag-out of country, nagmo-motor ako.”
Pero inamin ni Ana na magkaibigan na silang muli ni Kit, pero hangang doon na lang at walang balikang magaganap at wala na silang communication sa isa’t isa.
At kahit nga nagkaayos na sila ay tuloy na tuloy pa rin ang demandahan sa kanilang dalawa, at hindi nito iuurong ang demanda sa dating katipan.
“Hindi! Tuloy siya! Oo, tuloy siya, continue siya! Bale kasi alam ko, nag-file siya ng ano, eh… tapos, binigyan siya ng judge ng probation. So, na-accept ng judge… kaya I think naman binigyan siya ng pagkakataon.”
At dahil okey na sila ay willing na makatrabo ni Ana si Kit sa pelikula.
“Oo nama, oo naman, siyempre naman. Maybe in the future, ‘di ba? Depende sa istorya, magaling na aktor si Kit. Ako, hanga ako sa kanya.”
Ang isa pang nagawa nitong pelikula ay ang The Morning After na idinirehe ni Xian Lim na sa susunod namang ipapalabas sa mga sinehan.
