Rayver dinalaw ang puntod ng ina, Julie Anne nakibati ng Mother’s Day
RATED R
ni Rommel Gonzales
BINISITA ng Kapuso actor-host na si Rayver Cruz ang puntod ng kanyang namayapang ina na si Elizabeth Velez Cruz bilang pag-alala sa selebrasyon ng Mother’s Day.
Sa Instagram, ibinahagi ni Rayver ang larawan ng kanyang naging pagdalaw sa ina.
Makikita rin sa nasabing post ang video ng kanyang paglalagay ng bulaklak sa puntod ng ina.
“Happy Mother’s Day mama. I miss you so much I love you!” sulat ni Rayver sa caption ng kanyang post.
Nag-iwan din ng pagbati sa naturang post ang kapatid ni Rayver na si Rodjun Cruz, at ang kanyang girlfriend at Kapuso actress-singer na si Julie Anne San Jose.
“Happy Mother’s Day tita Beth,” ani Julie.
February 2, 2019 nang pumanaw ang ina nina Rayver at Rodjun, isang buwan matapos itong ma-diagnose ng stage 4 pancreatic cancer.
