MATABIL
ni John Fontanilla
ALAGANG-ALAGA ng GMA 7 ang mahusay at guwapong aktor na nagsimula bilang child star na si Will Ashley.
Isa nga ito among teen actors ng Kapuso Network na sunod-sunod ang magagandang proyekto.
Kaya naman ‘di na kami nagulat nang pinagkaguluhan during 6th Philippines Most Empowered Men and Women of the year 2023 si Will na isa sa binigyan ng award bilang Philippines Most Empowered Men (Actor ), dahil siguro sa masyado itong visible sa TV sa kanyang sunod-sunod na TV shows.
Kitang-kita namin kung paano dumugin ng mga taong umatend ng nasabing awards ang Kapuso actor. Kaya masasabi naming made na made na talaga ito at tiyak susunod sa yapak nina Dingdong Dantes, Alden Richards, at Dennis Trillo na mga hari ng GMA 7.
At sa karangalang natanggap nito ay nagpapasalamat si Will unang-una sa Diyos, sa kanyang mga magulang, GMA 7 , Sparkle GMA Artist Center Family, sa kanyang handler, at sa kanyang mga loyal supporters.
Nagpapasalamat din ito kay Richard Hinola na siyang founder ng 6th Philippines Empowered Men and Women of the Year 2023 sa karangalang ibinigay sa kanya.
Sa ngayon ay ginagawa nito ang isa sa pinakamalaking serye ng GMA 7, ang Unbreak My Heart at ang pelikulang Poon, bukod pa sa guestings nito sa iba’t ibang shows ng Kapuso Network.
