HATAW! D'yaryo ng Bayan hatawtabloid.com
MA at PA
ni Rommel Placente
ISASALIN na sa telebisyon ng GMA 7 ang pelikula noon ng mag-asawang Sen.Bong Revilla at Mayor Lani Mercado na Walang Matigas Na Pulis sa Matinik Na Misis. Mapapanood ito weekly sa GMA 7 bilang isang sitcom.
Si Sen. Bong pa rin ang magiging bidang lalaki.
Sa tanong sa kanya kung sino ang magiging kapareha niya, ay ayaw pa niyang i-reveal. Secret na lang daw muna.
Pero may nakarating sa amin mula sa isang reliable source ng Marisol Academy, ang online show namin nina Roldan Castro at Mildred Bacud, na si Beauty Gonzales ang makakapareha ni Sen Bong.
Kung true man ito, bongga si Beauty dahil magiging leading man niya si Sen. Bong.
Noong lumipat si Beauty sa GMA 7 mula sa ABS-CBN, ay mas lalong bumongga ang kanyang career. Hindi siya nawawalan dito ng proyekto. Siguro, ay masarap katrabaho si Beauty, wala itong attitude, kaya ganoon na lang ang suporta ng Kapuso Network sa kanya at sa kanyang career.
