Sunday , May 28 2023
Vanessa Hudgens

Vanessa Hudgens nagsimula nang mag-shoot sa Palawan  

SHOWBIZ KONEK
ni Maricris Valdez Nicasio

DUMATING na noong Sabado ang Filipino-American actress na si Vanessa Hudgens para simulan ang shooting ng gagawin niyang travel documentary ukol sa kanyang family history. Ito ang kauna-unahang pagkakataong nakapunta ng Pilipinas ang aktres. 

Sinalubong si Vanessa ng ilang opisyal ng Department of Tourism, gayundin ng  Presidential Adviser on Creative Communications na si Secretary Paul Soriano.

Agad namang lumipad sa Palawan noong Linggo si Vanessa para mag-shoot na agad ng kanyang travel documentary. Dumating si Vanessa sa El Nido at sinalubong siya ng  grupo ng mga Filipina singer na may kasamang kalabaw.

Ibinahagi ito sa pamamagitan ng isang video ng isang netizen sa ABS-CBN News, na makikita si Vanessa kasama ang kapatid nitong si Stella at inang Pinay na si Gino, na kasama sa gagawin niyang docu.

Bukod sa Palawan, kukunan din niya ang ilang lugar dito sa Manila. 

“I feel like ours is such a relatable story to so many women all over the world. The more that we can share, the more we can lift each other up,” sabi ni Vanessa.

Ibinahagi naman ng Publicity Asia, PR firm ni Vanessa, sa kanilang Instagram,  ang naging  pagdating ng Hollywood actress mula Los Angeles.

Caption nila sa kanilang post, “FilAm Hollywood star @vanessahudgens arrives in Manila via Philippine Airlines from Los Angeles.”

Ang gagawing  dokumentaryo ni Vanessa ay mula sa TEN17 Productions ni Sec. Paul na siya rin ang magdidirehe.

“We are honored to work with Vanessa for this film project. It’s inspiring to note that with everything she has achieved in life, she wants to discover her Filipino roots and pay homage to her mother’s country,” anang direktor.

“Hopefully, this opens doors for many more collaborations to come,” dagdag pa ng mister ni Toni Gonzaga.

Ang taping ng docu ay gagawin sa Manila at Palawan na ite-trace ni Vanessa ang kanyang pinagmulan bilang isang Filipino-American.

Unang nakilala at sumikat ang Hollywood star sa Disney Channel na High School Musical. Bumida rin siya sa mga pelikulang The Knight Before Christmas at The Princess Switch.

Mapapanood din si Vanessa sa indie comedy na French Girl at Bad Boys 4. 

About Maricris Valdez Nicasio

Check Also

Bruno Mars

Bruno Mars espesyal sa Pinoy, concert sa Phil Arena inaabangan

RATED Rni Rommel Gonzales ESPESYAL sa mga Pinoy si Bruno Mars at espesyal din ang mga Pinoy …

Valerie Concepcion Heather Fiona

Valerie nasaktan nang hanapin ni Fiona ang ama

RATED Rni Rommel Gonzales DALAGA pa lang noon si Valerie Concepcion ay naging ka-close na namin kaya …

David Licauco Barbie Forteza

David at Barbie ibinunyag sikreto pagpunta sa isang malamig na lugar 

ITO na ‘yung sikreto na binanggit sa amin dati pa nina David Licauco at Barbie Forteza tungkol sa tanong …

Christian Bables Andrea Brillantes

Christian ok lang ma-typecast sa pagbabading

SHOWBIZ KONEKni Maricris Valdez Nicasio KAHANGA-HANGA ang ibinigay na katwiran ni Christian Bables sa kung bakit patuloy …

Andrea Brillantes ine-enjoy ang walang ka-loveteam

Andrea Brillantes ine-enjoy ang walang ka-loveteam

SHOWBIZ KONEKni Maricris Valdez Nicasio ENJOY na enjoy at ‘di nakikitaan ng lungkot o pagkabahala …