Dash music video ng Hori7on trending na ‘di pa man naipalalabas
SHOWBIZ KONEK
ni Maricris Valdez Nicasio
TRENDING at pinag-uusapan na agad hindi pa man nailalabas ang music video ng pre-debut single ng Hori7on, ang Dash.
March 22, kahapon nakatakdang mapanood ang music video ng pre-debut single ng Hori7on na Dash pero bago ang paglulunsad, umani na agad ng lampas 700,000 views ang teaser ng music video.
Ang Dash ay komposisyon ni Bull$eye na ang ibig sabihin ay ukol sa pagpapatuloy nina Jeromy Batac, Marcus Cabais, Kyler Chua, Vinci Malizon, Reyster Yton, Kim Ng, at Winston Pineda sa pag-abot sa pangarap na maging global pop group.
Napapanood na ang music video na Dash sa YouTube channel ng MLD Entertainment.
