Tuesday , March 21 2023
Bulacan Police PNP

Kampanya kontra krimen sa Bulacan
11 tulak, 2 wanted, 2 sugarol timbog

SUNOD-SUNOD na pinagdadampot ang 11 hinihinalang drug dealer, siyam na pinaghahanap ng batas, at dalawang sugarol sa pinag-ibayo pang kampanya ng pulisya laban sa kriminalidad sa lalawigan ng Bulacan, nitong Miyerkoles, 15 Marso.

Batay sa ulat na ipinadala kay P/Col. Relly Arnedo, Provincial Director ng Bulacan PPO, inaresto ang 11 drug suspects sa serye ng anti-drug busts na ikinasa ng mga Station Drug Enforcement Units (SDEUs) ng Bulacan police.

Nasamsam mula sa suspek ang 21 pakete ng hinihinalang shabu at tatlong pakete ng tuyong dahon ng marijuana na tinatayang nagkakahalaga ng P46,160; drug paraphernalia; at buybust money.

Dinakip ang mga nasabing suspek sa serye ng drug sting operations ng Station Drug Enforcement Unit (SDEU) ng Meycauayan, Sta. Maria, Plaridel, Bustos, at Bocaue C/MPS.

Kasunod nito, natunton at nasakote sa serye ng pursuit operations ng 1st PMFC, Sta. Maria, Malolos, San Jose Del Monte CIDG Bulacan, Paombong, at Bocaue C/PS ang siyam na wanted na indibidwal.

Dinakip ang mga suspek sa mga kasong qualified theft, estafa, paglabag sa RA 7610, slight physical injuries, lascivious conduct.

Kasalukuyang nasa ilalim ng kustodiya ng kani-kanilang arresting unit/station ang mga akusado para sa angkop na disposisyon.

Samantala, sa inilatag na anti-illegal gambling operation ng mga tauhan ng  Plaridel MPS, nadakip ang dalawang indibidwal na naaktohan sa pagsusugal ng cara y cruz.

Narekober mula sa mga suspek bilang ebidensiya ang tatlong barya na ginagamit na pangkara at perang taya sa iba’t ibang denominasyon.

Nasa custodial facility ng pulisya ang mga naaresto na nakatakdang sampahan ng kaukulang kaso sa hukuman. (MICKA BAUTISTA)

About Micka Bautista

Check Also

Derek Ramsay Mr Freeze Gerry Santos

Mr Freeze pinatunayang ayaw na ni Derek sa showbiz: Enjoy siya sa pagiging family man

KINOMPIRMA ng kaibigan ni Derek Ramsay na si Mr Freeze Gerry Santos na ayaw na talaga ng aktor ang …

Arrest Posas Handcuff

Notoryus na gang member tiklo sa droga at boga

NAGING matagumpay ang operasyon ng pulisya nitong Martes, 14 Marso, nang maaresto ang isang notoryus …

Dead body, feet

Bangkay itinapon sa Bulacan
LOLA PINATAY NG SARILING ANAK, KRIMEN NASAKSIHAN NG APO

NATAGPUAN ng isang residente ang bangkay ng isang lola na nakasilid sa isang storage box …

phone text cp

Concert pinasok ng 6 dorobo
31 PARTY-GOERS SINIKWATAN NG CELLPHONE

SUNOD-SUNOD na inaresto ng mga awtoridad ang anim na indibidwal kaugnay ng insidente ng pagnanakaw …

Anjo Yllana Jomari Yllana Abby Viduya

Anjo hindi dadalo sa kasal nina Jomari at Abby

“MAG-USAP muna kami.” Ito ang isinagot ni Anjo Yllana nang matanong namin ito kung dadalo ba siya sa …