Tuesday , March 19 2024
AKSYON AGAD ni Almar Danguilan
AKSYON AGAD ni Almar Danguilan

Nasaan na ang magagaling  na mambabatas?

AKSYON AGAD
ni Almar Danguilan

BAGAMAT hindi sinasadya o walang may kagustuhan sa nangyaring pagtatapon ng 800,000 litro ng industrial fuel oil sa karagatan ng Oriental Mindoro, nararapat na mayroon nang managot – hindi lang pagmumulta o pagbabayad sa malawakang kasiraan na idinulot nito, dapat lang mayroon maipasok sa kahon de rehas.

Nasaan na ang magagaling nating mga mambabatas sa Mababang Kapulungan at Mataas na Kapulungan, ano na’ng nangyari sa kanila, bakit wala pang nagpapatawag ng imbestigasyon – ipatawag ang may-ari o pamunuan para isalang sa imbestigasyon at panagutin?

Ba’t tahimik ang mga mambabatas natin pero kapag away sa politika ang pag-uusapan ay napakabilis nilang magpatawag ng imbestigasyon. Aba’y halos tatlong linggo na ang nakalilipas nang mangyari ang paglubog ng barkong MT Princess Empress pero malabo pa ang katarungan para sa mga naapektohan ng perhuwisyong idinulot ng pagtapon ng langis mula sa nabanggit na oil tanker. Hindi lamang laman dagat ang binulabog o naperhuwisyo ng insidente kung hindi kabuhayan ng napakarami nating mga kababayan.

Marami ang nawalan ng kabuhayan …at ang masaklap ay hanggang kailan sila magugutom. Sa ngayon ay walang katiyakan kung kailan makababalik sa karagatan ang libong mangingisda dahil – nakita naman natin na walang tigil ang pag-agos ng langis mula sa barko na patuloy na nagpaparumi sa ating karagatan maging sa iba’t ibang beach resort na dinumihan ng tumapong langis.

Noon pang 28 Pebrero nang lumubog ang barko sa karagatan malapit sa bayan ng Naujan, OM, kasabay ng pagtatapon ng 800,000 litro ng langis. Inuulit ko ha, 800,000 litro – napakarami nito. Sa daan-daang litrong langis na natapon, hindi lang ang karagatan ng Oriental Mindoro ang pinilay ng trahedya dahil umabot na ito sa Palawan at Aklan sa lakas ng pag-agos ng karagatan dulot ng malakas na hangin. Ayon pa nga sa mga eksperto, kinakatakutan na maaaring maapektouhan ang pamosong white beach sa bayan ng  Malay sa lalawigan ng Aklan – ang “Boracay beach.”

Naku po, kapag umabot ito sa Boracay, patay ang turismo sa lugar at malamang na aabot ng maraming linggo o buwan para mapakinabangan ulit ang Boracay.

Sa ngayon, maraming beaches ang napinsala, sarado ang mga resort – nawalan ng trabaho ang marami at higit sa lahat ay marami tayong kababayan ang hindi makapagpalaot para mangisda. Gutom ang nararanasan nila ngayon kahit na sabihin pang may tulong na nanggagaling sa pamahalaan, lokal at nasyonal. Tulong na hanggang lalamunan lang.

Isa pa sa masaklap nito, marami na rin mga kababayan natin ang nagkakasakit, hindi sa kakapusan ng makakain kung hindi dahil sa masangsang na amoy ng langis.

Nasaan na ba ang mga mambabatas natin…saan na ang magagaling na umuupak. Hoy! Ngayon kayo kailangan ng mga libo-libong kababayan natin na naapektohan ng insidenteng ito. Dapat mayroon managot sa insidente. Aksidente man ang nangyari o walang may kagustuhan, dapat lang na may managot.

Totoo naman, walang may kagustuhan sa nangyari pero…

About Almar Danguilan

Check Also

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Dragon Lady Amor Virata

Surot, surot at surot pa…

Isumbong mokay DRAGON LADYni Amor Virata MAPUPULANG pantal at ubod nang kating naranasan ng ilang …

Sipat Mat Vicencio

Sobrang epal ni Bong Revilla

SIPATni Mat Vicencio DAHIL na rin sa mga kapalpakang ginagawa ni Senator Ramon “Bong” Revilla, …