Tuesday , March 19 2024

Rhian sa pagsasama nila Paolo: Matagal ko na siyang gustong makasama, nagagalingan ako sa kanya

RATED R
ni Rommel Gonzales

SA unang pagkakataon ay magtatambal sa isang pelikula sina Rhian Ramos at Paolo Contis. Ito ay sa pelikulang Ikaw At Ako na tungkol sa tatlong henerasyon ng pag-ibig.

“And ayun makikita natin dito ‘yung mga different stages of love, different kinds din of love, siyempre lahat tayo parang iba-iba ang priorities, iba-iba ang concerns, pero lahat tayo nakare-relate riyan, I’m sure lahat tayo na-in love na, at kung hindi, para rin ‘to sa mga gustong ma-in love, kasi marami ring matututunan about relationships, communication,” pahayag sa amin ni Rhian.

Unang pelikula ito ni Rhian simula magkaroon ng pandemya ng COVID-19. Ano ang nakakumbinsi sa kanya na tanggapin ang pelikula?

“‘Yung synopsis, doon sa synopsis, so parang shortened version niyong script ‘yung una kong nabasa and nagustuhan and also matagal ko na rin gustong makatrabaho si Paolo, kasi eversince nagagalingan talaga ako sa kanya.”

Apat na taong hindi gumawa ng pelikula si Rhian. Bakit ang tagal ng pagitan ng paggawa niya ng pelikula?

“Actually, may nasimulan na ako, pero noong nag-pandemic parang hindi namin matuloy kasi parang iba-iba na ‘yung mga itsura namin after, so parang na-hold muna. So ‘yun, habang nagde-decide pa kung anong mangyayari roon sa mga na-shoot namin, kung itutuloy ba namin ng ganoon or re-shoot lahat, or i-shelf muna ‘yung project, iyon ‘yung hindi ko pa alam.

“So, ayun, may nasimulan na ako na parang action movie, but ito ‘yung… ito sigurado akong matutuloy ‘to, so rito muna tayo,” ang natatawang pagtukoy ni Rhian sa Ikaw At Ako.

Kasama nina Rhian at Paolo sa pelikula sina Ms. Boots Anson-Roa at Ronaldo Valdez at sina Andrew Gan at Phoebe Walker. Sa direksiyon ni Rechie del Carmen. Ito ay initial movie venture ng Gutierez Celebrities and Media Production with executive producers MJ Gutierez and Lexie Salmasan.

About Rommel Gonzales

Check Also

Andres Muhlach Atasha Muhlach Juliana Gomez

Atasha, Andres, Juliana umaarangkada ang mga career

HATAWANni Ed de Leon UMAARANGKADA ngayon ang anak ng mga artista. Iyong kambal ni Aga Muhlach na …

Vilma Santos

Ate Vi dinaragsa ng movie offer para sa MMFF 2024

HATAWANni Ed de Leon TALAGA bang puro Metro Manila Film Festival (MMFF) movies na lang ang pinaghahandaan …

Kim Chiu Paulo Avelino Whats Wrong With Secretary Kim

Kim Chiu at Paulo Avelino tiniyak na kargado sa kilig, seryeng What’s Wrong With Secretary Kim 

ALAM MO NA!ni Nonie Nicasio PANGMALAKASANG chemistry ang makikita kina Kim Chiu at Paulo Avelino sa local adaptation …

Private Convos with Doc Rica MTRCB

MTRCB ibinasura apela sa suspension ng Private Convos With Dr. Rica

IBINASURA ng Movie and Television Review and Classification Board (MTRCB) ang apela ng Cignal TV Inc at ng programa …

Brandon Melo Take Me To Banaue Maureen Wroblewitz Thea Tolentino

American actor Brandon Melo nagtatalon nang makita ang Banaue 

RATED Rni Rommel Gonzales TUWANG-TUWA ang American actor na si Brandon Melo sa pagkakataong ibinigay sa kanya …