I-FLEX
ni Jun Nardo
BINIGYAN agad ng bagong title si Nadine Lustre dahil sa tagumpay sa takilya ng festival movie niyang Deleter. Si Nadine na ngayon ang bagong Horror Queen.
“Okay lang naman po sa akin kahit na ano ang itawag. Ayoko lang ma-typecast sa susunod kong projects.
“Mas gusto ko na gumawa ngayon ng out of the box roles para mahahasa pa ang kaalaman ko sa pag-arte,” pahayag ni Nadine sa Thanksgiving Party na ibinigay ng Viva Films sa media.
Sa ngayon nga eh tapos na ang issue between Nadine at management niyang Viva Artist Agency (VAA).
“Eh sa pamilya naman, normal na ‘yung nagkakaroon ng problema. Masaya ako dahil tapos na ‘yung issue sa akin at ng Viva. Ready na uli ako na gumawa ng ibang projects,” sey ni Nadine.
Dahil sa achievements ng Deleter na ipalalabas naman sa ibang international film festivals, hindi pa rin makapaniwala si Nadine sa blessings na dumating sa kanya sa pagtatapos ng taong 2022.
