Saturday , February 4 2023
Riding-in-tandem

Sa San Rafael, Bulacan
1 PATAY, 1 SUGATAN SA RIDING-IN-TANDEM

DEAD ON-THE SPOT ang isang lalaking sakay ng motorsiklo habang sugatan ang kanyang angkas matapos tambangan ng dalawang armadong suspek na sakay din ng motorsiklo sa bayan ng San Rafael, lalawigan ng Bulacan, nitong Martes ng umaga, 6 Disyembre.

Sa ulat na ipinadala ni P/Lt. Col. Isagani Enriquez, acting chief of police ng San Rafael MPS, kay P/Col. Relly Arnedo, provincial director ng Bulacan PPO, kinilala ang mga biktimang sina Edilberto Bustamante, residente sa Brgy. Marungko; at Ronnel Santos, residente sa Brgy. San Roque, parehong sa bayan ng Angat.

Ayon sa inisyal na ulat, nakatanggap ng tawag sa telepono ang himpilan ng San Rafael MPS dakong 6:00 am kahapon na mayroong dalawang lalaki ang duguang nakahandusay sa bahagi ng Cagayan Valley Rd., Brgy. San Roque, sa naturang bayan.

Agad nagsadya sa lugar ang mga tauhan ng San Rafael MPS at sa isinagawa nilang pagsisiyasat ay napag-alamang ang dalawang biktima ay binaril ng dalawang hindi kilalang lalaking sakay ng isang Rusi motorcycle na naging sanhi ng agarang pagkamatay ni Santos.

Matapos ang pamamaril, kinuha umano ng isa sa mga suspek ang Yamaha Mio motorcycle ng biktima at tumakas papunta sa direksiyon ng bayan ng San Ildefonso.

Samantala, dinala ng rescue team ng San Rafael si Bustamante sa pinakamalapit na pagamutan upang malapatan ng lunas.

Narekober ng mga awtoridad sa lugar ng krimen ang isang kalibre .45 baril, basyo ng bala ng kalibre .45, at tatlong bala ng kalibre 9mm. Kasalukuyang nagsasagawa ng dragnet operation ang pulisya kasabay ng pagre-review sa mga kuha sa CCTV camera upang matukoy ang pagkakakilanlan ng mga suspek. (MICKA BAUTISTA)

About Micka Bautista

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …