Saturday , February 4 2023
Sonny Angara Money Senate

Aprobado sa bicameral conference committee
P5.27-T NAT’L BUDGET RATIPIKADO SA SENADO
P10-B ng NTF-ELCAC, P150-M DepEd confidential funds ibinalik

RATIPIKADO na sa senado ang inaprobhang Bicameral Conference Committee report o ang P5.27 trilyon national budget para taong 2023.

Tanging sina Senate Minority Leader Aqulino “Koko” Pimntel III at Senadora Risa Hontiveros ang tumutol sa ratipikasyon ng panukalang 2023 national budget.

Sa bicam report, muling naibalik ang P150 milyong confidential funds para sa Department of Education (DepEd) na pinamumunuan ni Vice President Sara Duterte.

Hindi nagtagumpay ang bersiyon ng senado na P30 milyong inalaan para sa naturang pondo.

Ayon kay Senador Juan Edgardo “Sonny” Angara, Chairman ng Senate Committee on Finance, matimbang sa senado ang paliwanag na higit na kailangan ito ng DepEd kung kaya’t pinayagan nila ito.

Hindi na ipinagkaloob ang confidential budget na hinihiling ng Department of Justice, Department of Foreign Affairs, at Ombudsman ngunit nanatili ang iba pang confidential funds sa ilalim ng iba pang mga ahensiya ng pamahalaan.

Ani Angara, ang bawat confidential funds ay dapat dumaan sa pagsusuri ng Commission on Audit (COA) upang matiyak na nagamit ito nang tama.

Muli rin naibalik ang P10 bilyon ng NTF-ELCAC na naunang tinapyasan dahil sa kakulangan ng mga nagawa na ikinatuwa si Senador Ronald “Bato” Dela Rosa.

Naniniwala si Dela Rosa, lubhang makatutulong upang masugpo at mahinto na ang pag-aaklas laban sa pamahalaan.

Ayon kay Angara, nakapaloob sa 2023 proposed budget ang mga ayuda o tulong ng pamahalaan para sa mga mamamayan.

Kabilang dito ang fuel subsidy, libreng sakay at libreng tuition fee, at iba pang mga ipinagkakaloob ng pamahalaan tulad ng 4P’s at TUPAD.

Desmayado si Senador Christopher Lawrence “Bong” Go sa nailaang pondo sa sector ng kalusugan.

Ayon kay Go, lubhang kapos ito lalo na’t mayroon pang backlog o bayaring utang ang pamahalaan noong pang 2021.

Umaasa si Go, sa kabila nito ay buong-buong maihahatid ng sector ng kalusugan ang mga pangkalusugang pangangailangan ng mga kababayan lalo ng mahihirap.

Tiniyak ni Angara, bahagi ng proposed 2023 national budget ang paglalaan ng pondo para sa mga hindi pa bakunado at paglaban pa rin sa Covid-19. (NIÑO ACLAN)

About Niño Aclan

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …