HATAW! D'yaryo ng Bayan hatawtabloid.com
MAGKASAMANG binisita nina P/BGen. Cesar Pasiwen, Regional Director ng PRO3 at P/Col. Relly Arnedo, Provincial Director ng Bulacan PPO, kasabay ng pag-aabot ng tulong sa dalawang sugatang pulis na kasalukuyang naka-confine sa Bulacan Medical Center sa lungsod ng Malolos.
Pinapurihan ng PRO3 PNP at Bulacan PPO ang katapangan nina P/Cpl. Richard Neri at Pat. Aaron James Ibasco ng 3rd Maneuver Platoon, Bulacan 2nd PMFC, kapwa sugatan dahil sa tama ng bala.
Sa isinagawang police operation laban sa criminal gang sa Brgy. Maligaya, sa bayan ng San Miguel, muntik nang magbuwis ng kanilang buhay ang dalawang pulis nang buong tapang na lumaban sa mga notoryus na kriminal.
Ayon sa dalawang opisyal, ang katapangan ng dalawang pulis ay ginantipalaan ng pinansiyal na tulong at Medalya ng Sugatang Magiting. (MICKA BAUTISTA)
