Friday , February 3 2023
road accident

Bumangga sa barrier
11 PULIS SUGATAN SA TUMAOB NA PATROL CAR

SUGATAN ang 11 pulis nang sumalpok ang kanilang patrol car sa isang concrete barrier saka tumaob sa Brgy. Caningay, bayan ng Candoni, lalawigan ng Negros Occidental, nitong Lunes, 28 Nobyembre.

Kinilala ang mga nasugatang alagad ng batas na sina Pat. Jerome Tolentino, Pat. Joey Bana-ag, Pat. Erick Abela, Pat. Immam James Apucay, Pat. Jared King Dadivas, Pat. Bryan Ambajan, P/Cpl. Mark Jil Salazar, P/Cpl. John Arevalo, P/Cpl. Noriel Vergara, P/Cpl. Kenneth Valiao, at P/Cpl. Regie Tacdoro, pawang nakatalaga sa 604th Company ng Regional Mobile Force Battalion (RMFB)-6.

Lumabas sa imbestigasyon, nawalan ng kontrol sa manibela si Apucay habang binabagtas ang pababang bahagi ng pakurbang kalsada sa nabanggit na barangay.

Ayon kay P/Maj. Ruel Culanag, hepe ng Candoni MPS, bumangga ang sasakyan sa isang barrier saka tumaob.

Dinala sa pagamutan ang 11 sugatan sa 16 pulis na lulan ng nasabing sasakyang pampatrolya.

Ani Culanag, nagsasagawa ng road security at routinary inspection ang mga pulis nang maganap ang insidente.

About hataw tabloid

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …