Monday , April 15 2024
dead gun police

Aresto nauwi sa enkuwentro, 2 suspek todas, 2 pulis sugatan,

TODAS ang dalawang miyembro ng isang criminal gang habang naaresto ang apat nilang galamay nang mauwi sa enkuwentro ang pagsisilbi ng warrant of arrest laban sa isa sa kanila ng mga tauhan ng 3rd Maneuver Platoon, Bulacan 2nd Provincial Mobile Force Company (PMFC) sa Brgy. Maligaya, sa bayan ng San Miguel, nitong Lunes ng madaling araw, 28 Nobyembre.

Sa ulat na ipinadala kay P/Col. Relly Arnedo, provincial director ng Bulacan PNP, kinilala ang napatay na suspek na si Rommel Suarez, miyembro ng Salvador Criminal Group at nakatala bilang High Value Individual (HVI) ng Nueva Ecija para sa kasong paglabag sa Section 5 Article II ng RA 9165 (Dangerous Drugs Act), samantala napaslang rin ang isa niyang kasama na patuloy pang inaalam ang pagkakakilanlan.

Gayon pa man, arestado ang apat na galamay ni Suarez na kinilalang sina Fernando Perez at Reynier Dela Cruz, kapwa residente sa nabanggit na barangay; at Shierlyn Anne Pangilinan ng Gapan, at Rowena Daquiz ng Cabiao, parehong sa lalawiagan ng Nueva Ecija.

Batay sa ulat mula sa San Miguel MPS, nang dumating ang mga awtoridad sa nabanggit na lugar upang isilbi ang warrant of arrest, imbes sumuko ay pumalag ang mga suspek at pinaputukan ang mga pulis na napilitang gumanti, nagresulta sa pagkamatay ni Suarez at ng isa niyang kasama.

Samantala, sugatan ang dalawang pulis na kinilalang sina P/Cpl. Richard Neri at Pat. Aaron James Ibasco ng Bulacan 2nd PMFC 3rd Maneuver Platoon na agad nadala sa pagamutan upang malapatan ng atensiyong medikal.

Narekober sa pinangyarihan ng krimen ang mga basyo ng bala at mga baril na ginamit ng mga suspek, pakete ng hinihinalang shabu, at drug paraphernalia.

               Kasalukuyang nasa kustodiya ng San Miguel MPS ang mga nadakip na suspek para sa imbestigasyon sa posibleng pagkakaugnay sa Salvador Criminal Group na sinasabing sangkot sa robbery at illegal drug operations sa Central Luzon. (MICKA BAUTISTA)

About Micka Bautista

Check Also

Rochelle Pangilinan

Rochelle inamin nakaramdam ng insecurity nang palitan sila ng EB Babes

MA at PAni Rommel Placente SA interview ni Rochelle Pangilinan sa Toni Talks ni Toni Gonzaga, inamin niyang nasaktan sila …

Isko Moreno

Yorme Isko tiniyak ‘di na tatakbo sa halalan 2025

I-FLEXni Jun Nardo SARADO na ngang talaga ang pinto ng politika kay Isko Moreno Domagoso kahit nasa …

COPA Swim Series Leg 3 RMSC Eric Buhain

COPA Swim Series Leg 3 sa RMSC

TULOY ang pagtuklas sa mga bagong talento sa isasagawang National Capital Region (NCR) One For …

Marilag Festival Sta Maria Laguna

Mula 11-14 Abril 2024
IKA-11 MARILAG FESTIVAL SA STA. MARIA, LAGUNA   INAASAHANG DARAYUHIN

TAMPOK ang iba’t ibang produktong agrikultural at iba pang by-products, sa pagdiriwang ng mga taga-Sta. …

Bulacan Police PNP

P240k ilegal na droga kompiskado; 11 pasaway arestado

INILUNSAD ng pulisya sa Bulacan ang pinaigting na operasyon na nagresulta sa pagkakompiska ng ilegal …