Saturday , June 15 2024
Sean de Guzman Jake Cuenca Len Carillo Joel Lamangan Dimples Romana Tiffany Grey

Jake Cuenca napaiyak nang sabihing pang Best Actor ang acting sa My Father, Myself

ALAM MO NA!
ni Nonie Nicasio

MARAMI ang pumupuri sa husay ni Jake Cuenca sa pelikulang My Father Myself, ito ay base pa lang sa teaser ng movie.

Bukod kay Jake, tampok dito sina Dimples Romana, Tiffany Grey, at Sean de Guzman. Ito ay mula sa pamamahala ni Direk Joel Lamangan.

Ang pelikulang My Father, Myself ay official entry sa 2022 Metro Manila Film Festival. Ito ay mula sa panulat ni Quinn Carrillo at under ng 3:16 Media Network ni Ms. Len Carrillo at Mentorque Productions ni Bryan Dy.

Kabilang din sa producers ng pelikula sina Win Salgado, Jumerlito P. Corpuz, at Nicanor C. Abad.

Gumaganap dito si Jake bilang isang closet gay na makakarelasyon ang kanyang adoptive son, played by Sean, na boyfriend naman ng anak niyang ginagampanan ni Tiffany.

Ano ang reaction niya na pinuri siya ni Direk Joel sa galing niya sa pelikulang ito?

Wika ni Jake, “Ako, I take that with the highest honor talaga, kasi ako kay direk Joel, he’s someone I really looked-up to, na talagang inirerespeto ko sa industriya.

“So, para sa akin, walang takot na idinirek ni Direk Joel ang pelikulang ito at walang takot namin na ini-arte rin.”

Pagpapatuloy niya, “So for me, talagang this is something I am very-very proud of,  kasi ay nakapakalaking challenge for all of us. Kasi, hindi madali iyong pelikula, but certainly nang natapos ang lahat, natapos ang buong pelikula ay umiiyak kaming apat.

“Kasi it was worth it, worth the effort…  It is worth going outside your comfort zone, doing things na hindi mo normal na ginagawa sa totoong buhay.”

Ano ang reaction niya na marami ang nagsasabing pang-Best Actor ang performance niya rito?

“Naririnig ko lang na sinasabi n’yo sa akin ‘yan… naririnig ko lang na pinupuri ako ni Direk Joel, naririnig ko lang na pinupuri ninyo ako, ang laking bagay na talaga sa akin niyan, kasi…” pahayag ni Jake habang gumagaralgal ang boses na senyales na pinipigil niya ang mapaiyak.

“Ano kasi, itong pelikulang ito, sa totoo lang… hindi pa ako handa talagang magtrabaho pa. I wasn’t ready to work yet…

“Pero kasi, rather than shy away from it, rather than matakot, buong puso ko siyang tinanggap. And it’s exactly what I needed in my life at that time,” aniya na this time ay nangingilid na ang luha sa kanyang mga mata.

Pagpapatuloy ni Jake, “So, for me, sa totoo lang, pagkatapos ng lahat ng nangyari nitong pandemya na ito, lahat ng pinagdaanan nating lahat, makarinig lang ako ng puri sa inyo, makita ko lang kayo, maka-face to face ko lang lahat ng tao, mapuri ako ni Direk (Joel) nang ganito, malaking bagay na po sa akin iyon. Panalo na po ako roon… so, maraming-maraming salamat po.”

Tiyak na isa sa kaabang-abang na entry ngayong MMFF ang My Father, Myself, kaya hindi ito dapat palagpasin.

Kasama rin sa pelikula sina Allan Paule, Jim Pebanco, AC Carrillo, Mon Mendoza, Shawn Nino Gabriel, Erryn Garcia, KC Contreras, Rayah Minioza, at Joseph San Jose.

About Nonie Nicasio

Check Also

TMFF The Manila Film Festival 2024

Tabing ng TMFF ‘24 ibinaba na pelikulang “Three for 100” kinilalang Best Film

PORMAL nang ibinaba ang tabing ng “The Manila Film Festival 2024” noong Martes ng gabi …

Sanya Lopez

Sanya napraning sa stalker

MA at PAni Rommel Placente INAMIN ni  Sanya Lopez sa interbyu sa kanya sa Chika Minute sa 24 Oras, na …

Vilma Santos Sharon Cuneta Maricel Soriano Nora Aunor

Vilma, Sharon, Maricel, at Nora magsasalpukan sa 40th Star Awards for Movies

MA at PAni Rommel Placente KAABANG-ABANG kung sino sa apat na movie queens na magsasabong …

Charles Raymond Law

New heartthrob ng Viva wish makagawa ng mala-Freddie Highmore role sa The Good Doctor

MATABILni John Fontanilla NAGDIWANG ng kanyang ika-16 birthday ang future heartthrob ng Viva Entertainment na si Charles Raymond …

Wize Estabillo

Bidaman Wize inalok ng P1-M kapalit ng one night stand

MATABILni John Fontanilla DAGSA ang natatanggap na indecent proposal ni Wize Estabillo sa kanyang mga social media …