Thursday , December 1 2022
Bulacan Police PNP

Manyak na rapist nakalawit, 2 wanted, 9 tulak nabitag

NAGWAKAS ang matagal nang pagtatago sa batas ng isang lalaki na may kasong panggagahasa nang maaresto kabilang ang dalawa pang pinaghahanap ng batas at siyam na hinihinalang tulak sa operasyong isinagawa ng mga awtoridad sa lalawigan ng Bulacan hanggang nitong Martes, 22 Nobyembre.

Kinilala ni P/Col. Relly Arnedo, provincial director ng Bulacan PPO, ang arestadong suspek na si Andy Villagracia, nakatalang most wanted person (MWP) sa city level ng lungsod ng San Jose Del Monte.

Dinakip si Villagracia sa bisa ng warrant of arrest na inisyu ng San Jose del Monte RTC Branch 5FC para sa anim na bilang ng kasong Qualified Rape.

Sa bigat ng kinakaharap na kaso, hindi pinayagan ng korte na makapagpiyansa ang akusadong si Villagracia upang pansamantalang makalaya.

Kasunod nito, nasukol sa serye ng manhunt operations na inilatag ng tracker teams ng 1st PMFC at Baliwag MPS ang dalawa pang pinaghahanap ng batas.

Samantala, sa mga ikinasang buy-bust operations ng mga tauhan ng Station Drug Enforcement Units (SDEU) ng mga himpilan ng pulisya ng Sta. Maria, Pandi at Baliwag, magkakasunod na nasakote ang siyam na hinihinalang mga drug dealers na kinilalang sina Randy Baril, Ronie Nicolas, Loveghia Alcoba, Marcelino De Leon, Eduardo Merciadez, Darwin Cacao, Janperson Dagondon, Leo Jacinto, at Mark Joseph Ignacio.

Nakompiska mula sa mga suspek ang 11 pakete ng hinihinalang shabu, tatlong pakete ng tuyong dahon ng marijuana, at marked money na ipinain sa operasyon. (MICKA BAUTISTA)

About Micka Bautista

Check Also

Stab saksak dead

18-anyos patay sa rambol ng 2 grupo ng kabataan

DAHIL  sa pambu-bully, patay ang 18-anyos binatilyo habang sugatan ang kanyang kapatid at pinsan, nang …

120122 Hataw Frontpage

Sa Negros Occidental
NDF CONSULTANT, 1 PA, PATAY SA MILITARY OPS

ni Rose Novenario NAPATAY sa operasyon ng militar si National Democratic Front (NDF) consultant Ericson …

illegal fishing with the use of explosives

P2-M gamit muro-ami , ilegal na huling isda nasabat sa Quezon

AABOT sa halos P2-milyong halaga ng mga fishing gear at tools ang nasabat mula sa …

Land Transportation Office LTO

Sa Bulacan
4 LTO ENFORCER HULI SA KOTONG SINIBAK SA PUWESTO

IPINAG-UTOS ni Land Transportation Office (LTO) Chief Jose Arturo “Jay Art” Tugade ang pagsibak sa …

Sugatan sa enkuwentro 2 PULIS BINISITA NINA RD PASIWEN, PD ARNEDO

Sugatan sa enkuwentro
2 PULIS BINISITA NINA RD PASIWEN, PD ARNEDO

MAGKASAMANG binisita nina P/BGen. Cesar Pasiwen, Regional Director ng PRO3 at P/Col. Relly Arnedo, Provincial …