Carmina diretsahang tinanong si Cassy ukol kay Darren

MA at PA
ni Rommel Placente

SA show nilang Sarap Di Ba, tinanong ni Carmina Villarroel ang anak na si  Cassy Legaspi kung ano ang relasyon nito kay Darren Espanto. Nali-link kasi ngayon ang dalawa.

“We’re vey close. So, I would say best friend. Best friend ko siya,” nakangiting sagot ni Cassy sa kanyang mommy.

Aminado naman si Carmina na hangga’t maaari ay ayaw pa niyang payagan si Cassy na magka-boyfriend. At naniniwala si Carmina sa sagot ng anak na hindi pa nito kasintahan si Darren.

“Ang sabi sa akin ni Cassy, eh, wala pa raw sa isip niya ang boyfriend-boyfriend. Sabi niya gusto niya mag-concerntrate rito sa trabaho niya. Plus, nag-school kasi.

“So, gusto ko paniwalaan, gusto ko panghawakan na wala sa isip niya ‘yung ganoon. ‘Di siyempre pabor sa akin ‘yun.”

“Wow!” ang natatawang reaksiyon naman ni Cassy pagkarinig sa sinabi ni Carmina tungkol sa kanya.

Pero kung saka-sakaling magka-boyfriend na si Cassy, iintindihin naman ni Carmina.

“Siyempre dumaan ako sa ganoon. So I am trying my best to be understanding because pinagdaanan ko ‘yun noong bata ako.

“Like I said, I trust Cassy, I trust Mavy. So, huwag lang nila i-break ‘yung trust ko,” sabi pa ni Carmina.