Wednesday , February 21 2024
SINEliksik GUILLERMO ANG HANDOG NA OBRA Andrew Alto De Guzman

4th SINEliksik dinomina  <br> “GUILLERMO: ANG HANDOG NA OBRA” NAGKAMIT NG APAT NA GANTIMPALA

NAGWAGI ng apat na pangunahing gantimpala at nag-uwi ng kabuuang P170,000 premyo ang dokumentaryong “Guillermo: Ang Handog ng Obra” sa ika-apat na SINEliksik Bulacan Docufest and Docu Special na ginanap sa Nicanor Abelardo Auditorium, Hiyas ng Bulacan Cultural Center, sa lungsod ng Malolos, lalawigan ng Bulacan.

Nagwagi ng Best Documentary Film, Best Research, Best Cinematography, at Best Editing ang dokumentaryo na itinampok ang buhay sining ng National Artist for Visual Arts na si Guillermo Tolentino sa Araw ng Parangal.

Matapos matanggap ang gantimpala, ipinahayag ng direktor ng dokumentaryo na si Andrew Alto De Guzman mula sa bayan ng Pulilan, ang kanyang pasasalamat at ayon sa direktor ay mahalagang tama, maganda, at kaaya-ayang panoorin ang kanilang mga nililikhang dokumentaryo.

“Gagawin namin ang pelikulang ito hindi dahil gusto naming manalo, gagawin namin ang pelikula dahil gusto naming bigyan ng katarungan ang malaking kontribusyon ng Bulakenyo, pambansang alagad ng sining na si Guillermo sa kasaysayan ng eskultura sa Filipinas. Sana po ay lagi nating maalala si Guillermo sa kanyang mga iniwang pamana,” aniya.

Kabilang sa iba pang mga nanalo ay ang “Kol Antonio Buenaventura: Musika para sa Bayan” na nagwagi ng dalawang gantimpala at nag-uwi ng P70,000 kabilang ang mga gantimpalang Special Jury Prize at Best Sound Design; at “Maesto Kanor: A Filipino Genius in Music” na nagwagi ng gantimpala na Best Documentary Script na may halagang P20,000.

Samantala, sa mensahe ni Gob. Daniel Fernando na ibinahagi ni Atty. Nikki Manuel Coronel na siyang kumatawan sa gobernador, ang pagkilala sa tungkulin ng mga artistang Bulakenyo sa pagpapayaman ng kultura at pamana ng lalawigan.

“Isang napakalaking karangalan po ang mapabilang sa dakilang liping kanilang pinagmulan. Sila ay malaking inspirasyon na dapat lamang tularan ng kasalukuyan at susunod pang salinlahi. Gamit ang kanilang angking husay sa iba’t ibang larangan ay nakapag-ambag sila ng magagandang pagbabago sa ating lipunan,” pahayag ni Atty. Coronel.

Kabilang sa iba pang lumahok sa SINEliksik Bulacan Docufest ang mga dokumentaryong “Buhay at Pag-ibig ni Francisco Balagtas” at “Ang Nawawalang Tinig ng Sirena” na parehong nag-uwi ng consolation prize na P10,000. (MICKA BAUTISTA)

About Micka Bautista

Check Also

San Pedro Apostol Simbahan bumagsak

Balcony bumagsak habang pari at lay ministers nagpapahid ng abo sa noo ng mga deboto
80-ANYOS LOLA PATAY SA INAANAY NA PALAPAG NG SAN PEDRO APOSTOL

ni MICKA BAUTISTA at ng HATAW News TEAM HINDI nakaligtassa kamatayanang isang 80-anyos lolang deboto …

SM FCC Womens Run 2024 Feat

Women’s Run PH at SM By the Bay: Fueling empowerment and unity!

As March approaches, excitement builds for the Filipina CEO Circle (FCC) Women’s Run PH on …

SM 5 Reasons By the Bay V-Day

Celebrate love: Top 5 experiences await at SM by the Bay this Valentine’s Day

Get fully absorbed in the celebration of love as Valentine’s Day (V-Day) takes center stage! …

Alan Peter Cayetano

Cayetano isinulong maayos na alert system para preparasyon sa banta ng kalamidad

BINIGYANG-DIIN  ni Senador Alan Peter Cayetano nitong Lunes ang kahalagahan ng pagkakaroon ng maayos na …

DENR Sec. Yulo-Loyzaga aprub sa SM-Gunn waste-to-energy partnership

PINURI kamakailan ni Department of Environment and Natural Resources (DENR) Secretary Toni Yulo-Loyzaga ang SM …