Friday , February 14 2025
Quinn Carillo Showroom Rob Guinto

Paghuhubad ni Quinn ikinagalit ni Direk Joel

SHOWBIZ KONEK
ni Maricris Valdez Nicasio

AMINADO si Quinn Carillo na sa pelikulang Showroom, na palabas na sa Nobyembre 11 na idinirehe ni Carlo Gallen Obispo una siyang nag-daring. Si Quiin ang sumulat ng istorya at ginagampanan niya ang karakter ni Liezl na isang real estate agent na dahil sa tayog ng pangarap nakagawa ng hindi naaayon sa kanyang trabaho. Kasama niya rito si Rob Guinto na isa ring real estate agent. 

Bago pa man ang private screening noong Martes, nasabi na ni Quinn sa mga media conference ng pelikula na mula himpapawid hangang lupa ang ginawa niyang sex scene. At siya namang tunay dahil talagang bumigay na ang aktres/script writer. Hubad kung hubad at hindi nagpatalo kay Rob sa mga sex scene.

At dahil sa ginawang pagpapa-sexy ni Quinn, nalaman naming napagalitan pala siya ng premyadong direktor na si Joel Lamangan. Ani Quinn, “‘Yung pagpapa-sexy pinagalitan ako ni direk Joel like totoong pinagalitan niya ako. At sinabi ni direk na next time haharangan na niya ako kapag nagpa-sexy pa ako. Pero may point naman siya. Pero kapag siguro with the right material I would fight for it naman. If the material calls for it.” 

Ipinaliwanag din ni Quinn kung bakit niya ibinigay ang role ni Liezel sa kanyang sarili. “Super trusted ko naman si Direk Carlo and we talked kung paano iyong magiging process,” anito.

Bagamat first time nagpaka-daring hindi naman nahirapan si Quinn. “Tiniyak kasi ni direk Carlo and everyone in the production na I’m safe and comfortable on the set. At first siguro medyo nangangapa ako pero noong mga sumunod na okey na kasi sunod-sunod ang mga sexy scene. At ang unang kinunan sa akin ay iyong unang scene na napanood ninyo na sobra-sobra talaga ang ginawa ko,  ha ha ha,” kuwento pa ni Quinn.

Inilahad pa ng batang aktres na, “Noong ginagawa ko ang istorya na ito for some reason, mas nakare-relate hindi naman naka-relate dahil na-experience ko iyong nangyari kay Liezl, ewan ko siguro may calling sa akin si Liezl, and it’s something na I want to do iyong bida-kontrabida role, eversince kaya rin siguro inilaban ko if I could play this part kasi I really want to and I know I can.” 

At nang tanungin namin kung ano ang sey ng kanyang inang si Len Carillo na siyang may-ari ng 3:16 Media Network at manager niya,  sinabi nitong, “napanood naman niya siguro. Kung anong comment siguro ni mami it’s not really relevant kasi my work life is different from my personal life. And I’m old enough. Sa amin na lang dalawa siguro iyon kung ano man ang mga masasabi niya for that.” 

About Maricris Valdez Nicasio

Check Also

Maris Racal Incgonito

Maris pinuri pagiging palaban, napatakbo ng naka-bra’t panty kahit malamig

MA at PAni Rommel Placente NAG-VIRAL ang bra’t panty scene ni Maris Racal sa ABS-CBN series na Incognito. Sa kanyang Instagram post, …

Jillian Ward Coco Martin Vice Ganda John Lloyd Cruz

Jillian gustong makatrabaho sina Coco, Vice, at John Lloyd

MA at PAni Rommel Placente AYON sa lead star ng Kapuso series na My Ilonggo Girl, …

Nathan Studios MMFF Lorna Tolentino

Nathan Studios sasali muli sa MMFF; Lorna bibida sa pelikulang pambata

RATED Rni Rommel Gonzales KAABANG-ABANG ang pelikulang isasali ng Nathan Studios sa Metro Manila Film Festival sa Disyembre. “Gigiling …

Marvin Agustin Jolina Magdangal Ex Ex Lovers

Marvin inamin challenge sa kanila ni Jolens ang magpakilig ngayon 

RATED Rni Rommel Gonzales MATAPOS ang maraming taon ay muling nagsama sa isang pelikula sina Marvin …

Francia Cheche Camacho Conrado Gabby Ramos

FAMAS at REMS Entertainment sanib puwersa sa Famas Short Film Festival

HARD TALKni Pilar Mateo NAPAKALAKI ng pagpapahalaga ng Pangulo ng Filipino Academy of Movie Arts and …