Wednesday , November 30 2022
Blind Item Man Suspended Office

Estudyante pumalag sa abuso
SHS PRINCIPAL PINATAWAN NG ‘PREVENTIVE SUSPENSION’ 

SUSPENDIDO ang senior high school principal sa isang pribadong paaralan sa bayan ng Sta. Maria, sa lalawigan ng Bulacan, habang iniimbestigahan ang alegasyong pambabastos laban sa isang 16-anyos estudyante.

Sa kanilang Facebook post nitong Lunes, 7 Nobyembre, inianunsiyo ng Liceo di San Lorenzo (LdiSL) ang suspensiyon laban kay Keive Ozia Casimiro.

“It has come to the attention of Liceo di San Lorenzo through Facebook Social Media Platform on the 6th of November 2022, 10:26 pm that there has been allegation of serious misconduct by a faculty member towards a student. Upon seeing the post, Liceo di San Lorenzo immediately issued letter of preventive suspension from work while investigation is being carried out,” bahagi ng kanilang pahayag.

Ayon sa LdiSL, maglulunsad sila ng komiteng magsasagawa ng pagsisiyasat kaugnay ng mga alegasyon kay Casimiro.

“All employees are expected to adhere to the code of conduct for Liceo di San Lorenzo staff and hold themselves up to high standards of professional and personal conduct. Staff who contravene the code of conduct will face disciplinary sanctions, which may include dismissal for serious breaches,” dagdag ng paaralan.

Inilabas ng paaralan ang kanilang pahayag isang araw matapos ilahad ng isang estudyante sa kanyang Facebook account ang pagpapadala sa kanya ng mga mensahe ng kanilang punong guro sa pamamagitan ng isang ‘alternate’ account.

Ayon sa estudyante, hindi propesyonal at nawiwirdohan siya sa pakikipag-usap sa kanya si Casimiro dahil sinabi ng punong guro kaya siya gumagamit ng ibang account dahil baka makita at pagselosan ng kanyang ‘partner.’

Sa screenshots ng pag-uusap nila na ipinaskil ng estudyante, paulit-ulit umanong iniimbatahan ni Casimiro na magkita sila at sinabing hihintayin siyang makapagtapos ng pag-aaral.

May isa pa umanong pagkakataon na sinabi ni Casimiro na kamukha ng estudyante ang kanyang dating karelasyon.

Sinabihan umano siya ni Casimiro na huwag siyang kausapin tungkol sa mga personal na bagay sa kanyang opisyal na account at kailangang manatiling sikreto ang kanilang ‘pagkakaibigan.’

Pahayag ng estudyante, pagod na siyang itago ang mga ito dahil natatakot na siya.

Samantala, ilang mga estudyante at alumni ang nagkomento sa post na nagpapatunay umano sa pang-aabuso at pambabastos ni Casimiro katulad ng panghihipo, pagbabanta, at pakikipagkita kapalit ng pera.

About hataw tabloid

Check Also

arrest, posas, fingerprints

Wanted sa Bicol nasakote sa Pasig

NADAKIP sa lungsod ng Pasig ang isang 48-anyos lalaking wanted sa kasong pamamaslang sa kanyang …

road accident

Bumangga sa barrier
11 PULIS SUGATAN SA TUMAOB NA PATROL CAR

SUGATAN ang 11 pulis nang sumalpok ang kanilang patrol car sa isang concrete barrier saka …

Bukidnon PPO Police PNP

Sa Bukidon
4 PATAY, 2 PA SUGATAN SA ALITAN SA LUPAIN

PATAY ang apat katao habang sugatan ang dalawang iba pa sa insidente ng barilan at …

dead gun police

Aresto nauwi sa enkuwentro, 2 suspek todas, 2 pulis sugatan,

TODAS ang dalawang miyembro ng isang criminal gang habang naaresto ang apat nilang galamay nang …

paputok firecrackers

Halos isang buwan sa pagtatapos ng 2022
PRESYO NG PAPUTOK PATULOY NA TUMATAAS

MAHIGIT isang buwan bago salubungin ng mga Filipino ang taon 2023 sumirit pa ang presyo …