Friday , April 19 2024
500 swimmers hataw sa Manila Swim Fest

500 swimmers hataw sa Manila Swim Fest

PINALAWAK ng Swim League Philippines (SLP) ang programa para sa mga batang swimmers gaya ng karanasang makadalo sa mga kompetisyon sa abroad sa ilalargang Manila Swim Fest ngayong Sabado, 5 Nobyembre, sa Philippine Columbian Association (PCA) sa Plaza Dilao, Paco, Maynila.

Ipinahayag ni SLP president Fred Ancheta, bukod sa medalya at premyo, gagamiting qualifying meet ang Manila Swim Fest para mapili ang ‘best swimmers’ na ipadadala sa kompetisyon sa Singapore at Thailand sa susunod na taon.

“Under the leadership of SLP through our founder Joan Mojdeh, we announced that the top performers in the Manila Swim Fest will be included in the team that will see action in the FINA-sanctioned tournament in Singapore, while our young and developmental team will be sending to Thailand as part of SLP grassroots development program,” pahayag ni Ancheta sa Tabloids Organization in Philippine Sports (TOPS) Usapang Sports nitong Huwebes sa Behrouz Persian Cuisine sa Sct. Tobias, Quezon City.

With the support of Langoy Pilipinas of Darren Evangelista , Yingfa Philippines and the Manila Sports Council (MASCO), Manila Swim Fest will be the biggest in term of participation so far under the SLP program,” pahayag ni Ancheta sa lingguhang sports forum na itinataguyod ng Philippine Sports Commission (PSC), Games and Amusements Board (GAB), Pagcor at Behrouz Persian Cuisine.

Kabuuang 500 swimmers mula sa 44 clubs at teams ang kompirmadong sasabak sa torneo na itinataguyod din ng CNLCSCA at Solid Coaches Association at panimulang torneo para sa  malawakang sports program ni Manila Mayor Maria Sheila “Honey” Lacuna-Pangan.

Matibay ang ugnayan ng SLP sa international swimming community, kabilang ang Dubai-based organizer ng Hamilton Aquatic Short Course sa Hamdan Sports Complex na palagiang nagwawagi ng medalya ang Pinoy, kabilang ang ngayo’y Philippine junior mainstay na si Michaela Jasmine Mojdeh.

Kamakailan, muling sumabak ang 9-man SLP squad sa naturang torneo, sa pangangasiwa ni coach Bryan Estipona, at nakapag-uwi ng isang silver at apat na bronze medal.

Nasungkit ni Charles Janda ang silver medal sa 50m backstroke, habang humirit ng dalawang bronze medals and Italian-born Pinoy na si David Morvyn Gillego (50m back at 50m butterfly) at may tig-isang bronze sina Andrae Kenzie Samontanes (200m fly) at Louis Andrei Lim (100m breast).

“Sayang po at nagkamali ako sa turn, gold medal sana ako,” pahayag ng 14-anyos na si Janda.

Ikinalugod ni Gillego ang desisyon ng ina na magbalik at manirahan sa Filipinas dahil mas naging focus siya sa swimming na natutuhan niyang mahalin sa batang edad na 4 anyos.

“Blessing in disguise po ‘yung desisyon ng Mommy ko na dito na uli kami sa Filipinas. Mas nabigyan ko ng pansin ‘yung training. Hopefully, makasali pa ako sa mas maraming international event,” aniya.

Kapwa katuparan sa kanilang pangarap ang medalyang napagwagihan nina Samontanes at Lim.

Kasamang dumalo sa programa at nagbigay ng mahalagang kaalaman hingil sa sports na Kurash ang mag-amang Roland at Alexander Llamas. (HATAW Sports)

About hataw tabloid

Check Also

Philippine athletics TOPS PSC

Philippine athletics meet tatakbo na

Manila — Inilalagay ng Philippine Athletics Track and Field Association ang kanilang pinakamahuhusay na atleta …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

MILO 60th Anniversary

 MILO Philippines kicks off 60TH year celebration;  underpins commitment to grassroots sports development

15 April 2024 | Manila, Philippines – In a celebration event to mark its 60th …

Sambo PH team TOPS Paolo Tancontian Ace Larida

Sambo PH team potensiyal sa int’l arena

KUNG medalyang ginto ang nais ng sambayanan mula sa contact sports, ibilang ang Sambo sa …

Smart Asian Volleyball Confederation Nuvali

Asia’s beach volleyball squads maglalaban sa Smart AVC Beach Tour Nuvali Open

ELITE action returns sa world-class Nuvali Sand Courts sa City of Santa Rosa at ang …