Milk tea na nakakakinis at nakakaputi

Rommel Gonzales November 3, 2022 Business and Brand, Entertainment, Food and Health, Lifestyle, Showbiz

RATED R
ni Rommel Gonzales

KUNG kailan may pandemya ay at saka naman umarangkada nang husto ang career ng teen actress na si Jhassy Busran.

Bukod sa sunod-sunod niyang TV and movie projects, heto at may ineendosong kakaibang pagkain at inumin si Jhassy.

Pinakaunang product endorsement ni Jhassy ang Winkle Tea & Winkle Donut.

Bakit kakaiba? Naglalaman ng glutathione at collagen, kaya habang ninanamnam mo ang sarap ng kanilang milk tea, may magandang epekto ito sa katawan na nakakakinis ng kutis at nakagaganda ng katawan.

Kakaiba rin ang kanilang donuts dahil sa halip na asukal ay Stevia ang ginamit na pampalasa.

Kaya hindi ito nakatataba at kahit sa mga diabetic ay pasado.

Samantala, napanood si Jhassy indie film na Caught in The Act, sa online series na Genius Teens at pelikulang Home I Found In You na malapit na ring ipalabas sa mga sinehan.

Ang Winkle Tea & Winkle Donut ay pag-aari ni Whinie Marata at si Curby de Vera naman ay franchisee ng branch niya sa Ayala Mall Feliz.