Wednesday , November 30 2022
marijuana

Marijuana inihalo sa upo’t kalabasa
PAMANGKIN NG PROV’L MAYOR KASABWAT, TIKLO SA BUY-BUST

NAHULIHAN ng mga tauhan ng National Capital Region Police Office (NCRPO) ng halos P1 milyong halaga ng marijuana ang dalawa katao, isa sa kanila ay nagpakilalang pamangkin umano ng isang mayor sa lalawigan, kahapon ng madaling araw sa Sampaloc, Maynila.

Base sa ulat ng NCRPO, nakatanggap sila ng tip mula sa concerned citizens kaugnay sa ilegal na transaksiyon ng mga suspek na kinilalang sina Paul Garcia at Ivan Joe Nalog.

Agad naglunsad ng buy-bust operation ang mga elemento ng NCRPO- Regional Drug Enforcement Unit-RID sa Earnshaw St., at Lacson Ave., Sampaloc, Maynila.

Nagpositibo ang naturang operasyon nang tanggapin ng mga suspek ang marked money kapalit ng binibiling marijuana.

Agad hinuli ang dalawa at nakompiska ang siyam na upo at kalabasa kung saan nakalagay ang mga marijuana na nasa halagang P1 milyon.

Sinabing mula sa lalawigan ng Isabela ang dalawang suspek at may katransaksiyon kaya lumuwas ng Maynila.

Nang hulihin ang dalawa, isa sa mga suspek ang nagpakilalang pamangkin umano ng alkalde ng isang bayan sa lalawigan ng Isabela.

Ang dalawang suspek ay nasa kustodiya ng NCRPO habang inihahanda ang kasong paglabag sa  RA 9165. (GINA GARCIA)

About Jaja Garcia

Check Also

arrest, posas, fingerprints

Wanted sa Bicol nasakote sa Pasig

NADAKIP sa lungsod ng Pasig ang isang 48-anyos lalaking wanted sa kasong pamamaslang sa kanyang …

road accident

Bumangga sa barrier
11 PULIS SUGATAN SA TUMAOB NA PATROL CAR

SUGATAN ang 11 pulis nang sumalpok ang kanilang patrol car sa isang concrete barrier saka …

Bukidnon PPO Police PNP

Sa Bukidon
4 PATAY, 2 PA SUGATAN SA ALITAN SA LUPAIN

PATAY ang apat katao habang sugatan ang dalawang iba pa sa insidente ng barilan at …

dead gun police

Aresto nauwi sa enkuwentro, 2 suspek todas, 2 pulis sugatan,

TODAS ang dalawang miyembro ng isang criminal gang habang naaresto ang apat nilang galamay nang …

paputok firecrackers

Halos isang buwan sa pagtatapos ng 2022
PRESYO NG PAPUTOK PATULOY NA TUMATAAS

MAHIGIT isang buwan bago salubungin ng mga Filipino ang taon 2023 sumirit pa ang presyo …