Monday , April 15 2024
nbp bilibid

Di-sinungaling, di-nasusuhulan  
K9 IDARAGDAG SA BILIBID 

ILALAGAY sa entry at exit point ng New Bilibid Prison (NBP) ang karagdagang K9 Dog, ayon kay Officer-In- Charge, Bureau of Correction (OIC-BuCor) Director General Gregorio Catapang.

Inihayag ito ni Catapang at sinabing uunahin niya  ang repormasyon at mahigpit na panuntunan sa loob at labas ng BuCor.

Sa isang press conference sa BuCor ng kauupong Director General, tumanggi siyang magbigay ng pahayag ukol sa pagkakasangkot ng isang inmate na sinabing ‘middleman’ sa pagpatay sa beteranong broadcast journalist na si Percival mabasa, mas kilala bilang Percy Lapid.

Susuporta umano siya sa isinasagawang imbestigasyon sa kaso ng Lapid murder case.

Binigyan diin ni General Catapang na magdaragdag siya ng k9 dog para ilagay sa entry at exit point ng NBP.

Ayon kay Catapang, hindi marunong magsinungaling ang aso at hindi rin umano nasusuhulan, at ito’y uupo at uupo kung may maamoy itong kontrabando partikular ang baril, bomba, at ilegal na droga na tangkang ipuslit sa loob ng NBP.

Malaking hamon sa kanya na mailagay ng kanyang batchmate na si Department of Justice (DOJ) Secretary Crispin Remulla sa BuCor para tumulong sa bagong administrasyon para maresolba ang problema sa loob ng Bilibid.

Uunahin umano ng opisyal ang patas at pantay na pagtrato sa persons deprived of liberty (PDLs)  anooman ang katayuan at estado sa buhay upang pangalagaan at protektahan ang kanilang mga karapatan at interes.

Isusulong ni Catapang ang mataas na pamantayan ng mga serbisyo sa pagwawasto. Pagkamakatarungan sa pagtrato hindi lamang sa mga tauhan kundi pati sa mga PDL. (GINA GARCIA)

About Jaja Garcia

Check Also

Isko Moreno

Yorme Isko tiniyak ‘di na tatakbo sa halalan 2025

I-FLEXni Jun Nardo SARADO na ngang talaga ang pinto ng politika kay Isko Moreno Domagoso kahit nasa …

COPA Swim Series Leg 3 RMSC Eric Buhain

COPA Swim Series Leg 3 sa RMSC

TULOY ang pagtuklas sa mga bagong talento sa isasagawang National Capital Region (NCR) One For …

Marilag Festival Sta Maria Laguna

Mula 11-14 Abril 2024
IKA-11 MARILAG FESTIVAL SA STA. MARIA, LAGUNA   INAASAHANG DARAYUHIN

TAMPOK ang iba’t ibang produktong agrikultural at iba pang by-products, sa pagdiriwang ng mga taga-Sta. …

Bulacan Police PNP

P240k ilegal na droga kompiskado; 11 pasaway arestado

INILUNSAD ng pulisya sa Bulacan ang pinaigting na operasyon na nagresulta sa pagkakompiska ng ilegal …

DANIEL FERNANDO Bulacan

National wealth tax para sa likas na tubig
MOTION FOR RECONSIDERATION INIHAIN SA SC NG BULACAN GOV

NAGHAIN ng Motion for Reconsideration si Bulacan Gov. Daniel Fernando sa Korte Suprema sa naging …