Tuesday , November 29 2022
Imee Marcos Comelec

Dokumento kulang-kulang
COMELEC 2023 BUDGET HEARING IPINAGPALIBAN NI MARCOS 

IPINAGPALIBAN ni Senadora Imee Marcos ang pagdinig sa panukalang 2023 budget ng Commission on Elections (Comelec) na nagresulta sa pagkabinbin ng pondo dahil sa kabiguan ng komisyon na makapagsumite ng mga kaukulang dokumento ng Comelec batay sa nais nilang malaman.

Ayon kay Marcos, Chairman ng Senate Committee on Electoral Reforms kung ano-anong dokumento ang isinumite ng Comelec na walang kinalaman sa mga katanungan ng mga senador.

“It’s not a happy Monday dahil napilitan akong i-suspend ‘yung budget hearing ng Comelec… Pinagpipilitan pa rin nila na kinakailangan daw nila ng additional P10 billion on top of the P8.4 billion na nasa kanila na. Saan ka naman nakarinig ng eleksiyon na magkaka-total ng halos P19 billion, higit pa sa presidential elections? Parang hindi naman angkop. Tama ba to?” ani Marcos sa panayam ng media.

Kabilang sa nais malaman ng mga senador ang kanilang accounting sa hinihingi pang dagdag na P10 bilyon para sa Barangay at SK elections para sa susunod na taon.

Bagay na ipinagtaka ni Marcos, dobleng budget ang nais ng Comelec at mas magastos pa yata sa isang Presidential election.

Sa naipagpalibang Barangay at SK election ay mayroong P8.4 bilyong nakalaaang pondo ang komisyon at kung hihingi ng P10 bilyon ay aabot na ito sa P18.4.

Sinabi ni Marcos, nais malaman ng senado ang turn out ng halalan sa overseas Filipino workers (OFWs).

Hindi kasi sinakyan ni Marcos ang katwiran ng komisyon na matagumpay ang online voting na isinagawa gayong wala namang datos na naisumite.

Bukod dito, sinabi ni Marcos, nais malaman ni Senate Minority Leader Aquilino “Koko” Pimentel III kung tanging Smartmatic lang ba ang mayroong kakayahang humawak ng ating halalan at kung ito ba ay forever na sa kanila.

Ani Marcos, humihingi rin ng sagot at datos si Marcos ukol sa trust funds ng komisyon na hanggang ngayon ay wala man lamang accounting.

Nairita si Marcos sa pagtuturo ng komisyon sa Philippine National Police (PNP) at local government ukol sa pagresolba sa usapin ng vote buying.

Iginiit ni Marcos wala man lamang siyang narinig o nakitang hakbangin mula sa komisyon kung paano ito resolbahin gayong ang halalan ay nasa kanilang mga kamay nakasalalay.

Naghahanap si Marcos ng datos ukol sa bayaran sa mga nagsilbi sa nakalipas na halalan lalo na’t mayroon pang reklamo, hanggang sa kasalukuyan ay hindi pa nakokolekta ang bayad sa kanila.

Ibinunyag ni Marcos, nakipagkasundo siya sa komisyon nang magkita over the weekend para sa pagsusumite ng dokumento ngunit walang naganap na pagsusumite.

Paalala ni Marcos sa komisyon, kung tutuusin ay naka-break ang senado ngunit naglalaan siya ng oras para talakayin ang budget upang sa pagbabalik ng sesyon ng kongreso sa Nobyembre ay masumite na sa plenaryo.

Nanindigan si Marcos na hindi niya ipepresenta sa plenaryo ang budget ng komisyon hangga’t hindi nakikipagtulungan ang komisyon sa kanila sa pamamagitan ng pagsusumite ng mga datos at dokumento at paliwanag sa mga tanong ng mga senador.

Tiniyak ni Marcos, kanyang ipagbibigay-alam kay Senador Sonny Angara, Chairman ng Senate Committee on Finance ang pangyayari at inaasahan niyang baka sa Nobyembre na uli matalakay ang budget ng komisyon. (NIÑO ACLAN)

About Niño Aclan

Check Also

Bongbong Marcos face mask

Sa FM Jr., admin
PH NASA TAMANG DIREKSIYON — OCTA SURVEY

 MAYORYA ng mga Pinoy ay naniniwala na ang bansa ay patungo sa tamang direksiyon sa …

fire dead

67-anyos Lolo patay nang mabagok habang lumilikas sa sunog

ISANG 67-anyos lolo ang patay nang mabagok habang lumilikas nang masunog ang ilang tahanan sa …

duterte gun

DOH isali sa gov’t anti-drug campaign
HUSTISYA SA BIKTIMA NG EJKs SA DUTERTE DRUG WAR ISINUSULONG

HINDI dapat kalimutang bigyan ng hustisya ang libo-libong biktima ng patayan sa madugong drug war …

112922 Hataw Frontpage

 ‘Intel funds’ sa civilian agencies nais putulin ng Senador

IGINIIT ni Senate Deputy Minority Leader Risa Hontiveros ang posibilidad na amyendahan ang Administrative Code …

shabu

 ‘Shabu’ pinalitan ng tawas tulak patay sa boga ng ‘suki’

ISANG hinihinalang kawatan at tulak ng ilegal na droga ang binaril at namatay sa katanghaliang …