Monday , July 15 2024
Dr Michael Aragon Jericka Madrigal Ericka Bale

Newbie actress, Jericka at Ericka palaban 

HARD TALK
ni Pilar Mateo

NASA post production stage na ang reality movie na layong ipalabas ni Dr Michael Aragon sa iba’t ibang parte ng mundo. Sa mga film festival na sasalihan ng Socmed Ghosts.

Ang ganda ng intensiyon ni Doc Michael sa nasabing proyekto.

Nagbigay siya ng libreng workshop sa hopefuls. Inilagak ang mga sumali sa isang condo na mala-Bahay ni Kuya. At ang  mga pagsubok sa kanila ay ang katatagan nila hindi lang sa pag-arte kundi maging sa pagbabalita rin, among other things.

Resibo ng mga nilampasan nilang pagsubok sa pagsalang sa workshop ang makakamtan ng mga sumali.

Sa pamamagitan ng pag-arte nila sa nasabing proyekto.

Na istoryang hinabi naman ni Doc Mike mula sa malikot na isip niya na layon naman na may maipakita sa mundo sa mga kaganapan sa ating bansa.

Apat na social issues ang sesentrohan ng pelikula. Judicial killings. Climate Change. Poverty. At child prostitution.

Dito sa huli, siniguro ni Doc Mike ang pag-angat ng dalawang hopefus niya mula sa 2nd batch ng workshoppers niya.

Si Jericka Madrigal. Na nang madiskubre ay kasama ng inang nagtitinda sa isang talipapa sa Novaliches. Pumayag nang tanungin ng director na si Jojo Albano, na isa ring stunts director kung gusto niya mag-artista.

Aatras na sana si Jericka dahil sa kuwadra ng stuntmen siya napadpad. Pero kaagad din naman niya naisip na baka naman maging daan iyon para may mga royekto ring aarte siya na maibigay sa kanya.

Fast forward na tayo sa Socmed Ghosts. Papel ng anak na ibinenta ng  ama sa isang politiko ang karakter ni Jericka. Ginahasa. Pinatay. At ang multo niya ang maghahanap ng hustisya.

Kapatid niya si Ericka Bale. Napasok sa prostitusyon dahil sa kahirapan. 

Nakare-relate si Ericka sa papel niya dahil nagmula siya sa isang magulong pamilya na away ang inaalmusal, at sari-saring babae ang ibinabalandra sa mga mata niya ng ama.

Si Jericka ay 16 at 19 si Ericka. Mas may karanasan na sa pagganap ang mas bata. At sa isang proyekto ng HBO (na hindi pa naipalalabas) ay naka-arte na siya. 

Si Ericka, palaban. Gagawin naman ang lahat ng role na ipagawa sa kanya sukdulang maselan ito basta naaangkop sa istorya.

May kasunod na silang proyekto sa KMSBPI ni Doc Mike. Na nagnanais lang na maging boses para masabi ang mga sari-saring kanser sa ating lipunan.

Paglilinaw din niya, walang anggulong politika sa pelikula.

About Pilar Mateo

Check Also

Dennis Trillo Jennylyn Mercado Netflix

Dennis at Jen pinasok na pagpo-produce ng pelikula

HATAWANni Ed de Leon NAKATUTUWA  ang mga pangyayari, ngayon pala ay magsisimula na ring mag-produce ng …

Liza Marcos Josh Bimby

Bimby at Josh nanggulat (sa pagdalaw kay First Lady Liza Marcos)

HATAWANni Ed de Leon NAGULAT kami noong isang araw sa isang social media post na …

Stell Ajero Julie Anne San Jose Gary Valenciano Pablo Nase SB19

Pablo at Gary V tampok sa Julie X Stell concert

RATED Rni Rommel Gonzales MARAMI na ang excited at talaga namang nakaabang sa nalalapit na Julie …

Dapat Alam Mo Susan Enriquez Kuya Kim Atienza.

Tandem nina Susan at Kuya Kim winner sa viewers

RATED Rni Rommel Gonzales MA-ENTERTAIN habang natututo ng maraming bagay Ito ang hatid ng  news magazine …

Kapuso Mo, Jessica Soho KMJS

KMJS paboritong programa ng pamilyang Filipino

RATED Rni Rommel Gonzales PATULOY ang Kapuso Mo, Jessica Soho (KMJS) sa pagiging Sunday viewing habit ng …