HATAW! D'yaryo ng Bayan hatawtabloid.com
NASUKOL ng mga awtoridad ang ang isang senior high school student sa ikinasang buy-bust operation ng Philippine Drug Enforcement Agency (PDEA) at pulisya sa Purok 3, Sitio Habana, Brgy. Catigan, Toril District, sa lungsod ng Davao, nitong Lunes, 10 Oktubre.
Narekober ang aabot sa P1.3-milyong halaga ng hinihinalang marijuana mula sa suspek na nakatalang no. 1 sa drug watchlist sa rehiyon.
Kinilala ang suspek na si Prince Ian Sambalud, 18 anyos, estudyante at residente sa NHA Village Buhangin, sa nabanggit na lungsod.
Nakompiska mula kay Samalud ang 11 bloke ng hinihinalang marijuana, may timbang na 11.37 kilo at tinatayang nagkakahalaga ng P1,300,000.
Kasalukuyang nasa kustodiya ng pulisya ang binatilyo habang inihahanda ang kasong isasampa laban sa kanya.
