Sylvia super proud sa pagrampa ng anak na si Gela sa isang fashion show
SHOWBIZ KONEK
ni Maricris Valdez Nicasio
SINO ba naman ang hindi magiging proud sa anumang achievement ng anak? Kaya relate much ako sa reaksiyon ni Sylvia Sanchez nang ibahagi nito ang latest na tagumpay ng kanyang anak na si Gela Atayde nang rumampa sa isang fashion event.
Hindi lang magaling sumayaw si Gela na unang nakita sa kanya, may talent din ito sa rampahan.
Sa pamamagitan ng kanyang Facebook at Instagram account, ibinahagi ni Sylvia ang mga litrato at video ni Gela na kuha sa unang pagrampa nito sa isang bonggang fashion bilang model-endorser ng isang sikat na local clothing brand.
Ani Sylvia, “To my dearest Gelatin—it was my honor to be with you in your first mainstream runway!
“I cheer you on — all the way!
“This is just the beginning. I love you my Gelatin,” sabi pa ng aktres gamit ang mga hashtag #benchfashionweek2022, #proudmom ni @ataydegela, #blessing at #thankuLORD.”
Ang mga kapatid ni Gela na sina Cong. Arjo at Ria Atayde ay aktibo sa pag-arte kaya may nagtanong sa amin kung mapapanood din ba si Gela someday sa telebisyon o pelikula. Ang sagot namin, ‘yan ang ating aabangan.
