Tuesday , June 25 2024

Hinigop ng rumaragasang tubig sa kanal…
2-TAONG GULANG NA BATANG LALAKI, NAMATAY SA PAGKALUNOD

BANGKAY na nang matagpuan sa nagpuputik na palayan ang isang batang lalake matapos na mahulog at higupin ng drainage system sa kasagsagan ng ulan sa Pandi, Bulacan, Setyembre 27.

Ang biktima ay kinilalang si Prince Marvin B Mortejo, 2-taong gulang, na ang pamilya ay naninirahan sa Pandi Residence 3, Mapulang Lupa kung saan naganap ang insidente.

Ayon kay Raymond Austria, Pandi MDRRM officer, dakong alas- 4:30 ng  hapon nang makatanggap sila ng tawag na may nalunod na bata sa kanal sa naturang barangay.

Agad silang nagsagawa ng rescue operation ngunit naging pahirapan ang paghahanap sa bata hanggang dakong alas-dose na ng tanghali kamakalawa, Setyembre 28 ay  natagpuan ang bangkay ng bata sa isang palayan.

Sinabi ni Austria na halos dalawang kilometro ang layo ng narating ng bata nang tangayin ito at higupin ng malakas na pagragasa ng agos ng tubig sa kanal.

Sa naging pahayag naman ng ina ng bata na si Jenita Basa, nagpaalam na maliligo sa ulan ang kanyang anak at isa pang kapatid nito na apat na taong gulang

IIang saglit pa aniya ay humahangos na umuwi sa kanilang bahay ang kapatid nito at sinabi sa kanya na nahulog sa kanal ang bunsong kapatid

Ayon naman sa nakasaksi sa insidente na si Jesus  Clamor, nang mahulog ang bata sa kanal ay sinubukan nila itong sagipin subalit sa lakas ng agos ay hindi na nila ito nakita pa.

Sa imbestigasyon ng mga awtoridad ay wala namang nakitang foul play sa pagkalunod ng biktima na kasalukuyang nakaburol ngayon sa kanilang tahanan. (MICKA BAUTISTA)

About Micka Bautista

Check Also

arrest, posas, fingerprints

No. 3 MWP ng Leyte  
NAARESTO SA CALOOCAN

ARESTADO ang isang lola na nakatala bilang No. 3 most wanted person (MWP) sa Leyte …

shabu drug arrest

P.2M shabu kompiskado  
BEBOT, ISA PA, TIKLO SA VALE AT KANKALOO

DALAWANG pinaghihinalaang tulak ng ilegal na droga, kabilang ang isang bebot ang inaresto matapos makuhaan …

SAF hinikayat ni Cayetano para sa ‘transformative’ role sa bansa

PARA kay Senator Alan Peter Cayetano, maaaring makakuha ng inspirasyon ang ating mga kababayan mula …

MATATAG curriculum

Creative & critical thinking ng Pinoy students inaasahang patatalasin ng MATATAG curriculum

KOMPIYANSA si Senador Win Gatchalian na tataas ang antas ng creative at critical thinking skills …

prison rape

Most wanted sa statutory rape
68-ANYOS LOLO TIMBOG SA VALE

REHAS na bakal ang kinasadlakan ng isang lolo na wanted sa tatlong bilang ng kasong …