RATED R
ni Rommel Gonzales
IDOLO ng teen female star na si Jhassy Busran ang premyadong aktres na si Sylvia Sanchez. Pero hindi pa niya nakikilala ng personal ang aktres.
“Hopefully soon, hopefully soon.”
Nakikita ni Jhassy ang versatility ni Sylvia bilang aktres.
“Parang kahit anong role na ibigay sa kanya nabibigyan niya po ng justice.”
Kung papiliin naman siya ng magiging leading man sa isang future project, “Wala po akong maisip na specifically kasi halos lahat ng teen actors ngayon may partner na, eh. Kaya kahit sino po basta mabait.”
Pero idolo rin niya si Daniel Padilla at si Kathryn Bernardo.
“Fan po kasi ako talaga ng Kathniel,” bulalas ng magandang sixteener.
Grade 10 sa Team Mission Christian School sa Marilao Bulacan si Jhassy. Tatlong pelikula na ang nagawa niya, ang Caught In The Act, Genius Teens, at ang upcoming film na Home I Found In You.
Lahat ito ay ginawa ni Jhassy habang may pandemya ng COVID-19 kaya puwede na kaya siyang tawaging Pandemic Breakout Female Star?
