Donita Rose ikinasal na sa long time boyfriend 

MATABIL
ni John Fontanilla

IKINASAL na ang aktres at former MTV Asia VJ na si Donita Rose sa kanyang  long-time boyfriend na si Ferson Palad sa San Clemente, California USA.

Ibinahagi ni Donita sa kanyang Instagram ang ilan sa mga picture na kuha sa kanilang wedding na dinaluhan  ng kanyang pamilya at malalapit na kaibigan kabilang ang anak na si Joshua Paul na may caption na, “Surely your goodness and unfailing love will follow me all the days of my life, and I will dwell in the house of the LORD forever.” 

Kitang-kita kay Donita ang labis-labis na kasiyahan sa piling ng kanyang asawang sI Ferson.

Pagkatapos ng ilang proyektong ginawa ng aktres sa bansa ay nagdesisyon itong bumalik ng Amerika para magtrabaho at manirahan doon at isa na itong Chef at ang kanyang asawa namang si Ferson ay isang singer.