Wednesday , June 12 2024
Face Mask

Mandatory facemask sa senior citizens,  immunocompromised sa indoor places, labag sa Bill of Rights — KSMBPI

NANINIWALA si Dr. Mike Aragon, Chairman ng Kapisanan ng Social Media Broadcasters ng Pilipinas, Inc. (KSMBPI), paglabag sa Article 3 Section 1 ang ipapatupad na mandatory facemask sa indoor places, public utility vehicles (PUVs) sa senior citizens at mga immunocompromised individual dahil walang batas na nagtatakda rito.

Sa ginanap na Kapihan sa Manila Hotel, sinabi ni Aragon na labag sa Bill of Rights o sa karapatang malayang makapamuhay ng isang indibidwal ang puwersahang pagpapasuot ng facemask.

Ang pahayag ni Aragon ay batay sa rekomendasyon ng  legal team ng KSMBPI na suportado ng dating Pangulo ng Philippine Medical Association (PMA) at Clean Air Philippine Movement Inc. (CAPMI) President na si  Atty. Leo Olarte at dating Senador Joey Lina.

Bagamat hindi siya tutol sa pagsusuot ng face mask bilang proteksiyon laban sa COVID-19, dapat  may  kaukulangang batas ang dalawang kapulungan ng kongreso na ipinasa at nilagdaan ng Pangulo ng bansa upang sa ganoon ay hindi malabag ang karapatan ng isang indibidwal.

Ikinatuwa ni Cebu Mayor Mike Rama ang naging desisyon ng pamahalaan na sundan ang kanilang naunang hakbangin na gawing voluntary o optional na lamang ang pagsusuot ng mask. 

Aniya, ito ang nakita nilang solusyon para maibalik ang sigla ng ekonomiya mula sa epekto nng pandemyang dulot ng COVID 19.

Kaugnay nito, pabor si  Dr. Benito Atienza, Vice President, Philippine Federation of Professional Associaton (PFPA) sa pagsusuot ng face mask laban sa COVID 19.

Bukod dito, hinikayat ni Atienza ang lahat na magpabakuna lalo ang booster upang higit na malabanan ang COVID-19 at anopamang mga variant ang maaaring dumating.

Pinaalalahanan ni Atienza ang lahat na bukod sa COVID 19 dapat din bantayan at ingatan ang pagkakaroon ng dengue na tumataas ang bilang lalo ngayong madalas ang pag-ulan. (NIÑO ACLAN)

About Niño Aclan

Check Also

Migz Zubiri Pope Francis

Pope Francis binulungan si Migz: Protektahan ang pamilyang Filipino

“PINAKIUSAPAN ako ni Pope Francis to ‘protect the family,’ at isasapuso ko ang sinabi niyang …

Imelda Papin PCSO

Imelda Papin kompiyansang maraming matutulungan sa kanyang Isang Linggong Serbisyo

SHOWBIZ KONEKni Maricris Valdez Nicasio KAHAPON ang unang araw ng OPM icon at Jukebox Queen Imelda …

shabu drug arrest

Tulak timbog sa Navotas buybust ops

ARESTADO ang isang lalaki na sinabing sangkot sa pagtutulak ng ilegal na droga matapos kumagat …

Pastor Quiboloy

Warrant of arrest isinilbi vs Quiboloy, 5 iba pa

NAGTUNGO ang Philippine National Police-Criminal Investigation and Detection Group (PNP-CIDG) at Special Action Force (SAF) …

Bagong Pilipinas Hymn

Hymn at pledge ng Bagong Pilipinas pang-Executive lang — SP Escudero

TAHASANG sinabi ni Senate President Francis “Chiz” Escudero na hindi maaring ipilit sa senado, sa …