Wednesday , May 21 2025
Ice Seguerra

Becoming Ice personal kay Ice Seguerra

SHOWBIZ KONEK
ni Maricris Valdez Nicasio

WALANG Ice Seguerra kung walang Eat Bulaga at Okay Ka, Fairy Ko. Ito ang ipinaliwanag ng singer-songwriter at OPM icon dahil ito ang nagsalba sa kanya noong mabawasan ang mga raket niya

Sa pakikipaghuntahan namin kina Ice at dating FDCP (Film Development Council of the Philippines) Chair Liza Dino nang magpa-dinner sila sa SPEEd (Society of Philippine Entertainment Editors, Inc), para sa Becoming Ice: The 35th Anniversary Concert na gaganapin sa October 15, 8:00 p.m. sa The Theater at Solaire, naikuwento ng magaling na singer ang mga pinagdaanan niya sa loob ng 35 taon sa industriya.

Ani Ice, tinatanaw niyang malaking utang na loob ang tiwala at suporta ng kanyang Eat Bulaga family lalo ang producer nitong si Antonio Tuviera at si Vic Sotto, na prodyuser ng Okay Ka, Fairy Ko.

Kuwento ni Ice, hindi siya iniwan at pinabayaan nina Mr. Tuviera at Bossing Vic noong teenaged years niya. Ito ‘yung mga taon na wala na siyang acting projects at iba pang mga karaketan.

“Ito ‘yung (panahong) nagpupumilit akong mag-loveteam para magkaroon ng work. Ang trabaho ko noon, mga piyesta-piyesta. Kumbaga, ang show ko lang noon ay ‘Eat Bulaga’ at ‘Okay Ka, Fairy Ko. So, talagang ang laki rin ng utang na loob ko noon kay Tito Vic, kina Mr. T. kasi they sustained me. 

“If it weren’t for these two shows, kasi I have no movies then, alam mo ’yon? Wala akong movie. eh. Siyempre that time, ‘di ko pa alam na ‘ay, magiging singer pala ako.’  Kasi wala naman siya… alam mo ‘yun? Unang-una, ang boses ko, ‘di ko naman alam na magiging singer ako, eh,” sambit pa ng OPM hitmaker.

Naikuwento rin ni Ice ‘yung panahong naging miyembro siya ng isang showband na nagpe-perform sa isang bar sa may Aurora Boulevard. Na halos wala talagang nanonood sa kanila noong unang salang nila. Pero nang tumagal na sila ay napupuno na ang venue. 

Ito na ‘yung araw na nakipag-meet sa kanya ang record producer ng hit single niyang Pagdating ng Panahon na si Margot Gallardo kasama ang EP na sina MJ Mozo at Merlie Cipriano (ng Vicor).

Kuwento ni Ice, inalok siya ng mga ito na mag-record ng single na naging isang buong album.  Umani ito ng gold at platinum record awards na ang title track ay isinulat nina Edith Gallardo at Moy Ortiz. At doon na nagsimula ang lahat-lahat

Sa kabilang banda, tiniyak ni  Ice na napakarami niyang inihandang pasabog sa kanyang major concert tulad ng isang bagong single na ilulunsad niya sa mismong show.

“Sobra akong excited na mag-major solo concert ulet after ten years. Miss na miss ko ang energy, ang emotions, and ang mga tao na nakaka-appreciate sa experience ng isang live event. ‘Becoming Ice’ is very personal to me because this is the first time that I’m going to do a major concert as Ice Seguerra. At masaya ako na maibabahagi ko ang 35-year journey ko sa aking  fans,” giit ni Ice.

Si Ice ang direktor ng kanyang comeback concert na ipinrodyus ng kanilang Fire and Ice Media and Productions, Inc. kasama ang Nathan Studios. Si Ivan Lee Espinosa ang musical director.

Mabibili ang tickets sa TicketWorld (P7,200, SSVIP; P6,100, SVIP; P5,000 VIP; P4,650.00, Gold; P3,350, Lower Box; at P2,250, Upper Box).

Ang Meet and Greet Package para sa SSVIP ticketholders ay may eksklusibong meet and greet kasama si Ice, personal selfie at eksklusibong Becoming Ice merchandise item, habang ang SVIP at VIP ticketholders naman ay may eksklusibong merchandise item.

About Maricris Valdez Nicasio

Check Also

Billy Crawford Nadine Lustre Janno Gibbs Arthur Nery Pops Fernandez

Billy puring-puri pagiging propesyonal, smart ni Nadine

RATED Rni Rommel Gonzales SI Billy Crawford muli ang host ng Season 3 ng Masked Singer Pilipinas na kasama …

Maja Salvador Emojination

Maja sa pagiging ina: masarap na pagod, worth it

RATED Rni Rommel Gonzales ISANG taon na sa May 31 si Maria, ang anak nina Maja Salvador at Rambo …

Carmi Martin Aki Blanco Jaime Fabregas Rosanna Hwang

Carmi nahanap ng produ sa kapitan ng barangay

RATED Rni Rommel Gonzales NAKATUTUWA ang kuwento kung paano nakuha si Carmi Martin para gumanap na Naty …

Eddys Speed

8th The EDDYS ng SPEEd sa Hulyo, 2025 aarangkada

SHOWBIZ KONEKni Maricris Valdez TIYAK na mas exciting at maningning ang 8th The EDDYS o Entertainment Editors’ Choice ngayong …

Sylvia Sanchez

Renoir ni Sylvia Sanchez binigyan ng standing ovation sa Cannes 

SHOWBIZ KONEKni Maricris Valdez NAPAKAINIT ng pagtanggap ng pelikulang ipinrodyus nina Sylvia Sanchez at Alemberg Ang sa ginaganap ngayong 78th …